yogo frozen yogurt

5-5-10 星期三

中午老闆個妹約我去食lunch

先去鼎泰豐食到飽一飽

之後再去yogo frozen yogurt

點解無啦啦要食lunch呢?

因為有人就快退休，所以想攪點小生意

但又乜都唔識，想搵我幫佢攪

講真，我都係乜都唔識架啦

不過，唔緊要，我當學多一樣嘢囉

當我影完部機幾張相之後
服務員同我講 : 唔可以影雪糕機架
哦!!!(心裡說 : 我影完，亦影夠喇)

因為要偷師，所以我不停發問
當然，佢地唔會答我yogurt係點整
部機係邊到買，入貨，買手....等等等
不過，都唔緊要
我有我嘅小聰明，我有我嘅辦法
其實，係較早前，即係仲諗梗開咩嘅時候
係諗過，開車仔麵
但當有人睇過點整車仔麵嘅時候
就話唔開喇，乜啲餸要落咁多油架，乜啲腸咁污穢架，乜啲乜咁架...
頂!!!想點呀???
隔咗一日之後，又同我講 : 不如開coffee shop吖，簡簡單單
我話 : 好呀，不過你識整蛋糕咩?
唔識呀，你幫我搵資料去學吖，政府咪有每人一萬蚊資助嘅，你睇下有啲咩啱我讀吖~~~
我話 : 好啦
如是這，我足足搵咗一個星期嘅資料，其間同佢分析同策劃再到marketing
一個星期之後，佢同我講 : 都係唔掂，不如開美容店吖
嗰一刻，我火都黎埋，收線之後，即刻同老闆投訴
我老闆仲潤我 : 係你咁傻至理佢，我地全部都唔理佢
吓!!!!!!!!!!!!!!你唔早啲同我講!!!!!!!!!!!!!!!!!!!!
老闆話 : 你同梗一個有錢無掟洗嘅人癲呀，不如你幫下我睇下啲法律文件啦
屌那星，你地玩鳩晒啦
到最後，老闆可能知我嬲喇，又無端端帶佢個妹去食yogurt
仲同佢講 : 開呢啲咪好囉，簡簡單單，又唔洗煩
所以，就搵我去試食下喇
我相信事件還未完，我亦相信仲會有變

只希望，唔好再玩我囉~~~