14-5-2013 星期一
一早起身喉嚨痛仲有少少發燒
即刻狂飲水
我地呢間酒店無瓶裝水提供
水 - 是我從香港帶去的
每次出門，我都會帶三支大樽水的
原本個PLAN今日去京都
但因為尋晚零晨時份餅餅要睇波
所以改為聽日先去京都啦
反正嵯峨野火車逢星期三休息
影響唔到我地
好想食牛，決定走去牛角食燒肉
噢!!!原來佢開下午5點的
係11點的道頓堀
食肆都開得7788了
手信店都陸續開門了
早晨，香港時間係10:16，返緊工的
我日日夜夜都經過
我同餅餅講 : 最後個晚先黎買啦
點知最後個晚真係失晒預算
旅遊書同上網睇資料，都有介紹四天王拉麵
既然無得食燒肉
去食拉麵啦
先買飛仔再入座
坐定定之後，比張飛仔服務生
Open kitchen
我要鹽味6號
先飲啖湯先，噢~~~佢得唔到我歡心
餅餅要醬油味1號
亦得不到餅餅歡心
餃子真的一般
pooh~~~你咁嘆係到曬太陽呀
個碗拉麵食完之後
我個喉嚨再次痛返，超口渴
飲咗半枝水都唔得
個碗拉麵洗唔洗咁多味精呀?
買蘋果汁飲(上面數落去第三行，中間個盒蘋果汁好好飲)
入咗去forever21買衫，好順利買咗袋衫
點解我要用順利呢兩個字呢
係因為，我係由試身至比錢都唔需要排隊
點解?因為早，無咩人囉
經過蟹道樂
我好想食好想食
其實我相隔對上一餐已經有一個鐘了
我地決定叫套餐
散叫貴好多架
一個花霞，一個琥珀
散叫嘅價錢真係貴架
準備喇
煮蟹肉冷盤
生蟹肉腳，我地唔食生蟹腳，放係鍋煲飯
蟹肉茶碗蒸
呢個唔講得笑，連餅餅咁唔鍾意食蛋嘅都激讚
烤焗蟹肉
呢個其實係焗蟹肉芝士通心粉，真係無得頂
我地兩個食晒自己個盅之後
直頭想散叫多個黎食
焗烤蟹腳係餅餅個花霞套餐的
天婦羅蟹腳 係我嘅琥珀套餐
蟹肉壽司係花霞套餐
晤.....我地不太喜歡
蟹肉鍋飯
就係呢個鍋飯，我可以放啲生蟹腳入去煮
呢個鍋飯要煲30分鐘
服務員已說明不可以開蓋，怕啲飯唔熟
唔記得講，其中有一個服務員靚姐姐識講普通話，佢就服務我地呢枱
因為佢一直滾緊，香味不斷衝擊我味覺
令到我隻手成日不由自主開蓋
唔知點解識普通話的靚姐姐次次都見到
佢用好溫柔嘅眼神同我接觸
終於，靚靚姐姐忍唔住行過黎同我講
再開蓋就唔熟架喇..
哈哈哈，我可以曳到咁
好彩最後都熟咋
忽然之間好多蟹腳食
仲有碗清湯
醃物
抺茶，雪糕
佢即場沖抺茶
佢隻摩打手搖到我眼都花，好犀利呀
餅餅唔太愛咁重抺茶味，我一個人食晒
最後仲有一粒糖比我地食
呢餐蟹宴食咗2個鐘
真係hea住慢慢食
街頭街尾一間H&M
心齋橋同道頓堀真的好近
出返門外埋單，先見到原來呢間本店有6層咁大
短短一條道頓堀已經有3間蟹道樂
我地呢間係本店
原來條街唔比泊單車，咁呢3個維持秩序人士就掃晒成條街嘅單車係一個集中點
啲人黎攞返架車又唔罰，佢地又唔係掉走啲單車
摸不著頭腦
又去夾公仔
成條街啲夾公仔鋪頭我都睇過晒
我只係想要呢個大盒薯片
我由東京見到大阪
我不斷叫餅餅夾比我
最終，我地用咗800yen夾到佢喇~~~~~
呢間係心齋橋的SEGA
呢隻夏威夷果仁朱古力我都好鐘意食架
不過餅餅夾唔到
好開心揸住大盒薯片去GU買衫
GU買啲衫好平，質料唔差架
一件普通T Shirt 599yen
即係港紙45蚊左右
同款唔同色掃晒佢啦
玩完，買完又攰又餓
行返去道頓堀搵下午茶食
大阪消防車
尋晚經過丸福珈琲無入去
今日就入去食件cake，飲杯珈琲
補充我的能量
餅餅的cake set
兩杯凍拿鐵
hea 咗個幾鐘就返酒店放低啲嘢出去晚飯啦
我仲係cafe時係咁同餅餅講架
我仲買埋珈琲粉比媽咪
出到門口，瀨野，凍咗咁多嘅?
行快啲，等個身暖啲
返到酒店，流下了第一滴鼻水
我唔食餅餅都要食架
咁就同佢去酒店附近的24小時超級市場行個圈
原來超級市場都有丸福買
我最愛蛋三文治個隻牌子呀，個大大話話有廿幾款架
買埋藥，即刻返酒店食咗藥先
