大阪的第二天 (Part2)

12-5-2013 星期日

揹住2個杯麵返去梅田

出到去就見到hep five嘅摩天輪

紅色摩天輪好搶眼呢



見到有crepes，比佢香味吸引咗

我地要搵"手羽一郎"食午飯

搵黎搵去都搵唔到

可能佢已經執咗了

大阪的坑渠蓋好靚

呢個有顏色的

呢個無顏色

搵唔到嘢食

去食一風堂啦

其實，我想食一風堂多啲

不過餅餅又好期待食雞翼呢~~~

有3款前菜比你食

但我倆至愛係辣芽菜

食咗人地一半都有

餃子，唔錯吖

赤丸叉燒麵 1000yen

薄切叉燒6塊

餅餅食完之後同我講:我鍾意呢碗拉麵多過一蘭

說真的，我都係

但一蘭的拉麵軟硬度可以自己選擇

各有各好啦

特制赤丸 1100yen

特制赤丸有厚切叉燒，雲吞2粒，仲有隻蛋添

湯底無得再挑剔喇

份量也足夠有餘

我隔離個日本男人，食一碗拉麵唔夠，要追加替玉，食完個替玉仲要加多碗飯，我覺得佢好犀利之餘

我地同佢一齊入座，佢食咁多嘢，等如我食一碗拉麵

佢嘅速度之快同食量，真係望塵莫及

有人話日本做嘢人工好低

但觀乎一風堂的人工，如果咁都叫人工低咁香港算咩呀?

食飽之後，去梅田little twin stars專門店

係呀，梅田又開一間放little twin stars的傢俬店鋪

有床，組合櫃....等等

不過唔知點解我無影相

時間太早，唔想咁早上摩天輪

所以返去心齋橋

經過心齋橋大丸little twin stars專門店就影張相

順便行去cafe個邊睇下多唔多人

我最主要要換咖啡杯

人龍少咗，咁就排隊

排排下有人黎mark名，同我地講我地要等1個半鐘

之後我問佢要留係到等還是可以離開1個半鐘之後返黎?

佢話可以離開，之後比咗張籌我地

我地就返酒店喇

一個半鐘之後，排都唔洗排

就可以坐定定食嘢了

食飽就周圍影下相

見店員忙著，快快手搬埋kiki lala一齊影相

佢地原本分得好開架

我好慶幸我有機會黎呢度

亦都多謝我身邊的人可以包容我的任性

包括 : 媽咪啦，我係母親節期間飛走咗

老闆啦，個半月前我先飛去東京玩，一個月都無又同佢講我要飛大阪

餅餅啦，盡在不言中~

行去千房食大阪燒時經過呢間食店

嘩~~~~佢真係少數的食店開得早

好咯，我地去京都個日嘅早餐有著落咯

再行前10分鐘就到道頓堀

700yen一份的炭燒蟹腳，買了兩份

兩份有5條蟹腳

佢香到跟到我返酒店呀

道頓堀有好多間夾公仔店，唔似得心齋橋得兩間

係因為今日母親節所以無咩人

還是......?

我地點咗個人氣no.1的大阪燒

未食，只係聞咋，我已經知道餅餅唔鍾意食了

其實，我一座低，個種局促的油煙味令我好唔舒服

但眼見期待好耐的餅餅

我就陪下佢啦

果然，食了一口，佢就話唔好食

佢唔鍾意呢種酸味

對於我而言，我食佢個朕油煙味已經食唔落其他食物了

好彩有叫佢的至愛芽菜比佢食

全程坐咗20分鐘，急急腳落去埋單走人

實在不能久留，一局我就會病，我會暈的

(果然，我第二日就喉嚨痛了)

我要去食返啲甜野補充返啲糖份

我連見到我最愛的珈琲都唔入去

搵日下午茶先黎啦

夾下公仔

終於搵到了 - 夫婦善哉

介紹

成間店鋪只賣呢對糖水- 紅豆沙湯圓

味道不是特別好，只是食佢個意義

今晚宵夜 - 蛋三文治