陶瓷班第十八堂 泥條 - 高花樽

26-3-11 星期六

返學前

自己一個人去翠華食咗碗魚片頭河

順便去咗曲奇四重奏買咗罐曲奇比老師們

一定要今堂整好後期製作

之後攞去燒

唔知點解整極都係唔滿意

不過算啦

一日都係怪自己懶

懶於最後階段沒有好好地用木板拍回形狀

明知有啲唔夠泥

我都唔去加泥

上面個後凹晒

中間就脹卜卜

刨極都刨唔完

下面都唔知圓定方

算吧，泥條法已經學完

希望下次我唔好再偷懶

乖乖地逐個部驟做好喇

Cuppa Cafe

上個星期收到Cuppa Cafe送比我的試飲裝

多謝晒

出手都好闊綽

我諗住下個月帶去旅行飲

總共8包，剛剛好一日一包

上次買過Special Blend

今次可以試埋唔同嘅味度

再遂一向你們介紹

公關小姐真的很貼心

附送奶及糖

自家製豆漿&茶葉蛋

我呢幾日嘅早餐都係

自家製豆漿同自家製茶葉蛋

有益健康又美味

我家的茶葉蛋

真係好受歡迎

一出個個搶要

多謝，大家嘅讚賞

三洋餐廳

21-3-11 星期一

公司有個同事個媽媽走咗

我放工之後

餅餅陪我去鞠個躬

坐一陣之後

佢地都要準備彌撒

咁我同餅餅就走喇

身處係大角咀

唔怕會餓親

食肆林立

揀咗一間有電視睇又有卡位坐的

三洋餐廳

餅餅因為食咗下午茶

無乜胃口

所以清清地食碗鯇魚粥

呢碗粥無加味精

料夠多

十幾舊魚唔怕蝕本比晒你只係賣廿幾蚊

仲要食到碗底都無變水

粥依然綿滑，依然有米香

我又係無咩胃口

係唔知點解無胃口

叫碟火腿燴意粉

食下食下食晒食碟

你話好唔好味吖

我見到有胚芽好立克

叫杯黎飲啦

平時我唔會飲好立克囉

參鬚玉竹猴頭菇雪耳湯

材料 : 參鬚一小束，玉竹幾片，猴頭菇兩大舊，雪耳湯兩大個，蜜棗4粒，西施骨一斤

做法 :

1) 西施骨汆水備用

2) 其餘材料分別浸透，雪耳浸軟後切去黃色硬塊

3) 所有材料凍水落煲，滾後收最細火煲兩個鐘以上，熄火，落鹽，試味。

蕃茄粟米紅蘿蔔薯仔煲瘦肉

材料 : 大蕃茄三個，大薯仔一個，細紅蘿蔔一條，洋蔥半個，粟米兩條，瘦肉半斤

做法 :

1) 煲一小煲滾水，蕃茄界幾刀，下蕃茄去皮

2) 薯仔，紅蘿蔔刨皮切件，洋蔥切件，粟米切半，好手力嘅可以拗開一半

3) 凍水落晒以上材料(除粟米)，煲個零鐘後，下粟米，熄火下鹽試味。

黑椒椒絲牛仔骨

材料 : 急凍牛仔骨一pack，紅黃綠椒各半個，洋蔥半個

調味 : 黑椒碎一茶匙，生抽，老抽各一湯匙，糖少許，水 (撈勻後請試味)

做法 :

1) 洋蔥，紅黃綠椒 洗乾淨切條

2) 牛仔骨解凍後，抺乾表面水份

3) 開大火落油，爆香洋蔥及紅黃綠椒，盛起，備用

4) 下牛仔骨，略煎兩面

5) 倒入調味料

6) 下紅黃綠椒及洋蔥兜炒至牛仔骨熟，上碟，即成

陶瓷班第十七堂 泥條 - 高花樽

19-4-11 星期六

呢堂最主要係收邊

刨呀刨，刮呀刮

將原本凸出的刮走

凹陷的補返啲泥

我就係用呢4種工具又刨又刮整咗兩個半鐘

都未整完呀

東方小祇園

19-3-11 星期六

又到十五，又無得食牛肉

食齋自然會諗起芋頭魚

搭車咁啱經過

原本要去mamoz食飯

都臨時取消

原來芋頭魚叫五柳仙班

好似好耐無食過呢個拼盆

其實，我最唔鍾意食係酸齋同齋鴨腎

素帶子炒西蘭花

素帶子好難食

即係你食過啲帶子係爽口未吖?

西蘭花炒得脆綠有相睇

食落仲好好味

起碼唔會過腍

忽然之間想食白粥

見$10一碗就叫黎食啦

餅餅食白飯

白粥上枱時嚇死我

成個洗面盆咁大

想點呀?

中國冰室

13-3-11 星期日

餅餅個妹臨去台灣之前

要去拜一拜老爺

適逢下個月清明

我地又唔係香港

所以就一齊拜喇

係拜之前

我同餅餅就出咗旺角買衣紙

順便可以去中國冰室食個早餐

即係呢...

我好鍾意睇PTU

失槍個集耐唔耐就睇

因為無線都會重播

套電影有幾幕取景係中國冰室

當我每次行上呢條樓梯時

即刻感覺到個種"feel"

哈哈哈，sorry太入戲...

凍熱奶茶

呢排我鍾意飲茶走

餐蛋麵

佢真係有熱誠

排位幾靚，成個笑樣

餅餅即時post上facebook

個麵呢，好似超力麵

以前讀書小食部買個隻麵呢

我真係即時想同餅餅掉轉黎食

但我戒緊口

唔可以食公仔麵>.<

我咪食腿通囉

以為好普通咁單調?

仲有...

腸蛋+多士

真係唔食蛋會痴線的我

我已經無食5日

好叻好叻

個種久別重逢嘅感覺

真係...........................

識我嘅人都知道

以上係唔會夠我飽

叫多個咖央西多士

雖然，咖央味唔太出

不過都有淡淡椰香味嘅

我的花花草草之二

記唔記得我有篇我的花花草草

鬱金香凋謝速度

令我驚訝

不過，我尋日睇咗本雜誌

佢話原來我地平時用黎刷煲嘅鋼絲刷好有用

將遂支花插入鋼絲刷的罅隙

之後放落花樽

花的壽命比沒有插入鋼絲刷為長

下年再買花時

一拼買個鋼絲刷坐陣先得

掉落的鬱金香花瓣依然美麗

我將它逐塊遂塊用牙籤串起

又另一番景氣

糖醋金沙骨食譜 呢個唔洗用鹽

材料 : 金沙骨，蒜頭一粒

調味料 : 老抽，生抽，淘大鎮江香醋，雞粉，麻油，冰糖兩至三大舊

做法 :

1) 煮滾調味料，試味

2) 將金沙骨及蒜頭放入調味料中

3) 開大火煮滾後，熄火，焗15分鐘，之後再開中火，滾後收細火煲半小時

呢個都係懶人餸，唔洗醃，唔洗汆水，唔洗睇火

最緊要酸酸甜甜，我老公鍾意食

陶瓷班第十六堂 泥條 - 高花樽

12-3-11 星期六

完成喇，完成喇

個高度

之後仲要執

我都唔明點解個花樽會變成咁

好明顯，我初初整時發緊夢囉

御膳飯莊

17-3-11 星期四

今日，真係上咗人生寶貴的一課

因為日本9級地震而引發核站幅射洩漏

我們偉大祖國同胞

開始搶鹽

當我睇到新聞報導話國內同胞搶鹽時

我真係呆晒

第一個反應係

你地有無讀過書架?

食鹽可以抗幅射???

反應都未黎得切

新聞一轉到香港

吓!!!香港人都搶???

平時買$1.4一包鹽

居然可以買$10一包???

真係可以媲美食黃金呀

誓估唔到，一包鹽嘅升值潛力

係高過股票，黃金，貨幣......

我亦都估唔到連yahoo拍賣都有鹽買

索價$50

我真係忍唔到笑出黎

點解啲人可以無知到咁?

搶鹽嘅同時

連豉油，雞粉甚至米都唔會放過一眾師奶們

你地有無諗過

商人們會抬高價格

之後，我地就要買貴嘢

**************************************************************
就係今日全成搶奶粉搶鹽搶豉油搶雞粉搶米嘅時候

我家爹地媽咪當然唔會癲埋一份

我家屋企儲備

真係夠用夠食半年

不過，媽咪話要出外食飯

我地就出去食啦

御膳飯莊

激死我呀))))

我地坐係電視機前面

我好有禮貌叫佢開電視比我睇

經理話 : 我地通常唔開

我無嘢想同佢講

擺部電視係到做裝飾呀>.<

激氣事唔止一單

見到6人套餐$788

都幾抵喎，就諗住叫個6人套餐啦

點知我妹妹靈機一觸

逐樣計下條數

居然散叫個價錢係平過套餐

好，我地散叫，叫多幾個餸食添呀

香蔥油伴海蜇

彈下彈下咁夾上黎

入口爽滑，勁香香蔥油

不過食到底時

有好多碎碎的

一係唔食，一係用匙羹食

我地5人同時選擇前者

花雕醉雞

花雕味不足

雞肉滑嘟嘟，雞皮爽滑

上面個排仲係無骨添

炸銀絲卷

砂鍋雲吞雞

足6碗，我飲咗兩碗

小籠包

要咗兩籠，每人兩隻

小籠包食完唔會油到滯

出面好多時，食完一隻已經滯晒

個種油膩感真係令你吃不消

干燒大明蝦

爽口，彈牙，新鮮

你唔會對呢碟餸有挑剔嘅地方

鮑菇時蔬

生菜墊底係苦嘅

一啲都唔翠綠

灼得太耐喇

鮑菇爽口，一口一件唔過份

松鼠黃花魚

我未影相已經解剖咗喇

皮唔脆，肉好腥

但個汁好醒胃喎

你睇下條魚似乜

都唔似魚喇

薄餅

當然包住烤鴨食啦

烤鴨(中)

juice到爆汁，皮脆肉嫩

一邊打呢篇blog，一邊流口水

食到咁上下喇

基本上得返幾片烤鴨

但我地5個人仲唔飽

係，你無睇錯，我亦無打錯

係唔飽

以上份量已經唔少架喇

所以即刻叫多個

瑤柱蛋白炒飯

質飽我地個肚

食晒碟瑤柱蛋白炒飯

我地5個人個胃仲可以食甜品喎

即刻叫碟

高力豆沙

雖然已經食唔返以前仿膳嘅質素

但已經好食過出面啲酒樓喇

仲有一窩桂花小圓子

我地真係癲咗