原本,我有幾廿篇排住隊出blog
但我咁嘅心情
我提唔起勁出啲開心blog
所以,北京旅遊,外食blog,等我有心情再出吧
上個星期二 20/11
忽然之間接咗一個好驚個電話
妹妹打電話黎第一句問 : 家姐,你可唔可以請到幾日假?
我仲答佢 : 可以,你想去邊到旅行吖
姥爺(公公)跌親,要即刻飛過去
我個心一沉
即刻上網book機票,睇地圖搵醫院位置
唔知有無地方住,睇埋醫院附近酒店
攪咗大半日
早啲放工返家收拾行裝
昆明天氣,有太陽地方就熱
無太陽地方就凍
晚上氣溫會低至9度
中午氣溫可以高達22度
仲有,天氣十分乾燥
絕對唔係四季如春
執行李有點困難
未試過走得咁急
要處理的事還多著
唯有是是但但執啲
長輩話要回老家住
當然即時放多幾件外套
兩個人一喼行李已足夠
我同餅餅,妹妹先行出發
爸爸媽媽明天出發
一落機之後過關再攞行李,好快,好順利
出外搭的士去酒店check in
放下行李,行去醫院
由酒店步行去醫院大概5分鐘左右
見到姥爺,精神好好,也放下心
安下心就覺得肚子餓了
去食碗米線再回醫院
坐咗一陣,返酒店了
執完行李,沖埋涼,磨下磨下,叫room services