我份人,真係無乜優點,決點就一大籮
已經夠衰啦,仲要陪養一大籮壞習慣。
出呢篇BLOG,係想嚴重警惕自己
俗語話:"有錢就身痕"
我就唔係嘅,銀包脹卜卜時,就無嘢要買/想買,
但唔知點解有好快無晒啲錢架喎?
啲錢識飛?幾千蚊,幾日無晒?我有無用咁多錢呀?
到銀包無錢時,就好想去買嘢,
有時恨到,見到咩店舖,就衝入去
唔理啱唔啱,總之睇得上眼嘅
就開始指天篤地喇,往往都係到比錢個一刻,發現銀包無錢
咁攞張EPS咭出黎啦
你估人地一定有易辦事架???
無咪面懵懵咁同人地講
我要出去拑錢哦
不過,通常我遇到嘅店舖職員,都唔洗我講呢句
佢地會好主動同你講:
"唔好意思呀,我地無易辦事呀,不如你出去拑機吖"
呢個情況,會好啲,起碼無咁尷尬
但當出咗去拑錢後,銀包有錢喇
又唔想買喇,不斷係到諗
我買黎無用喎,又唔係咁靚啫,總之就不斷係條街到諗籍口喇
除非個店舖職員好好人,招呼又好好啦
如果唔係,我通常唔返去比錢架喇
呢啲行為,直頭CHEAP到無朋友呀
記住喇,下次銀包無錢時,忍忍忍忍忍手呀
到銀包有錢時,至好去"想"買嘢呀
