星期日，27-9-09

一早起身洗被

無理由係屋企等架嘛

嘢都未食，邊有氣力小掃除吖

就叫餅餅諗去邊到食喇

11:00至開嘅金船長餐廳

我地11:00出門口去

由於唔熟路，所以搭的士啦

的士都唔跳錶，你話幾近喇

落車之後行咗個圈

發現大角咀有好多嘢食架

"金船長餐廳"，門口仲有得泊車，幾方便喎

MENU有兩頁係車仔意粉，我覺得幾特別
即係好似車仔麵咁揀餸，揀麵呢

我同餅餅都係決定食SET LUNCH

甘筍忌廉湯
第一啖好有忌廉味，但越飲越啖，不過都OK好飲嘅

鮮榨西瓜汁
係要另加$10的，我肯定佢係鮮榨，不過唔知溝咗幾多冰，淡淡的

餅餅例牌飲凍奶茶

我食C餐，煙肉白菌忌廉汁燴闊麵
好好食，我仲要加勁多芝士粉

餅餅食G餐，西冷牛扒配紅酒汁
牛扒好食，唔嚡唔un無渣，好嫩，好食過自稱王者的扒

仲有一個小食拼盆 : 蜜糖雞翼；咖哩角；洋蔥圈；炸魚柳
蜜糖雞翼最好食，咖哩角食唔到有咖哩味

兩個人食咗$156

好平呀，西餐喎~~~

計埋來回的士都唔洗$200

電話 :  23817369

地址 :

大角咀大全街55號3A

南丫島＠Shelly Cake Express

一路行一路食魷魚條

燒得好香，連我唔太鍾意食的，都食咗１０條呀．．．

行過見到呢間蛋糕店

但佢吸引唔到我入去

反而係門口呢塊黑板吸引了我

每一張櫈都有一把葵扇，盡顯細心，我同餅餅揸住唔放呀，勁撥涼降溫

今日無睇過時間做人

原來唔睇時間，係可以咁輕鬆，唔洗同時間競賽

不知不覺４：２５，唔知幾點船，乜都唔知

揀一件餅餅會食嘅芒果芝士餅
好很香芒果＆芝士味呀～～～
我想打包成個cake走

我會為咗你呢件咁好食嘅芝士餅再黎一次
不過今個月唔得喇，下個月先吖
凍薄荷茶要加＄８

埋單剛剛好＄５０
唔好以為我寫錯呀
下午茶餐嘅芒果芝士餅係＄４２
單一件售賣至係＄３２呀
好想過對面thai thai food食串燒
所以，叫佢薄荷茶紙杯上
店員服務好細心，又解釋得好詳盡
抵讚～～～
thai thai food 無影相
thai thai food 啲人話有豬頸肉，雞肉＆牛肉
但係豬頸肉並不是豬頸肉啦
係五花腩呀
牛肉都幾好食
不過牛肉幾好食都好
個沙爹汁至係一絕
企定定食完兩串串燒
又繼續行，不過今次係行去碼頭搭船走喇
走之前，我地都仲要去拜拜榕樹灣嘅"天后娘娘"
無理由拜拜索罟灣嘅"天后娘娘"
唔拜拜榕樹灣"天后娘娘嘛"
拜拜完之後，原來係我嘅開始

咩開始？．．．．．．

金華冰廳

睇咗 " 頭條日報之100間勁好味茶餐廳之後 "

原本打算去荃灣

但我真係好攰，又唔舒服

所以近近地搵一間

"金華冰廳"，人山人海都可以搵到兩個位

一坐低就知瀨嘢

人聲鼎沸，樓底唔高，地方唔大

係室內入面，阿哥阿姐狂嗌

嗌乜?兩位埋黎吖，三位埋黎吖，

一次過幾個人大聲叫囂

如果係室外嘅話，我完全唔覺有咩問題

但我坐係到，你又唔係生得高

係我頭頂大叫"有位呀，埋黎吖"

呢一餐，我真係食知無味

我都唔知自己食乜

五香肉丁炒公仔麵

凍奶茶

西多士

涼粉冰

其實本書推介係菠蘿油同蛋撻
我怕我叫咗佢地食之後
會彈到佢地一棟都無

所以，我不久嘅將來

我會再去.......................

買外賣

進補

家裡有好多補品

什麼花膠，燕窩，高麗參......的

全部都未發開

高麗參 - 最簡單了

切片沖水，焗一陣就飲得

但成日都忘記了攞出去比人切

有時記得，又嫌太重

自己切又嫌麻煩

花膠 - 講嘅真係好簡單

但一落手做之後

嗌晒救命

嗌救命嘅原因

係腥到不得了

連一條蒸魚都覺得腥嘅我

直頭係想攞咗我條老命

燕窩 - 唉!!! 浸發完之後睇下有無毛
要揀毛個下

又係攞咗我條老命

其實市面上有好多已經整好晒

一買返屋企就可以煮或者食喇

但唔知點解，個心凝住梗係差啲

一買呢啲現成貨

個心就覺得好對唔住雪櫃啲乾貨
係呀，再一次對唔住雪櫃裡的燕盞喇

有幾多燕窩心裡有數啦~~~

GODIVA

都仲係講梗星期二，22-9-09

飲完茶之後，就去咗GODIVA買朱古力飲

好可惜，全線GODIVA都有朱古力飲

係偏偏得海港城呢間無

要行到尖沙咀SOGO至有

我話唔行架，不過爹地媽咪妹妹唔想我失望

所以陪我由海港城行去SOGO

渣打做梗優惠，買一杯加一蚊可以買多一杯

MILK CHOCOLATE 牛奶朱古力
入面有啲朱古力粒粒，個人不太喜歡
凍咗嘅朱古力粒粒，係口中久久都唔溶
要用舌尖慢慢將粒粒溶化

DARK MINT CHOCOLATE 薄荷黑朱古力
薄荷味好出亦好搶
呢杯甜過MILK CHOCOLATE
一樣有朱古力粒粒
一樣要用舌尖去溶化

佢地4個一致認為好甜

到最後，我一個人揸住兩杯黎飲

哼~~~~~~~~~~

不過諗諗下

點解我成日要等埋媽咪呢

反正都係得我一個人飲

加一蚊多一杯又點吖

到最後咪一個人揸住兩杯

不過好彩我鍾意飲朱古力咋

不過飲咗兩杯朱古力嘅我

短期內都唔會飲朱古力喇

但一樣會食朱古力囉

哈哈哈哈哈哈哈

好肥肥肥肥肥肥肥呀

志蓮素齋 - 龍門樓

20-9-09 星期日，去咗鑽石山墳場睇骨灰位

咁我地星期二大概知道可以揀咩位

唔洗手忙腳亂喇

好快咁完成咗睇位

之後就行下"志蓮淨苑"喇

有好多魚魚游呀游
當時成身汗嘅我，真係好想跳埋落去游呀游

鬧市中嘅瀑布

龍門樓，一場黎到無理由唔食齋嘅

唔知係咪因為下午茶時段，所以茶只有大半杯呢?

食物唔算好貴，但之後發現飲品好貴
事關當我地食飽飽之後
行過小食店入去睇下
鮮榨橙汁只售10蚊
有汽果汁只售12蚊

鮮榨橙汁真係鮮榨，無加水呢~~~

雲吞陽春麵
一時唔記得咗呢度係食齋
雲吞好大粒，咬開之後"噫!!!無蝦嘅?"
諗諗下，係喎，齋鋪黎喎，攰到傻咗
麵條好滑好好食
菜又嫩綠爽口清甜
唯一係雲吞囉，唔鍾意食齋雲吞
並唔係唔好食

蘿蔔糕
無味架

豉油皇炒面
最好食係呢個
麵炒得乾身，食完碟底無乜油
芽菜肥嘟嘟好可愛，可惜無搣尾

呢到啲服務員哥哥好奇怪架
一見有外籍人士入黎坐低
佢地會避開，或者一個推一個
呢到不設加一，2個人食咗$155，算平喇。
之後，行多一陣就見到出口喇
又行下荷李活中心
行行下見攰
搵間餐廳坐低休息一陣先

呢間嘢我真係以後都唔會幫襯
明明坐係到飲嘢，佢話外賣
問個收銀姐姐問題，答非所問
我真係唔知佢有無帶個腦返工
成班服務員個個黑口黑面
果真芒果，入面個啲唔係新鮮芒果肉
係芒果乾呀，我真係吹到bear~~~~~~~~~一聲啦

喪買

13-9-09 星期日

去美都餐室食飽飽之後

就去咗拜拜老爺

再之後就係我血拼時間

信和"征服世界"

係我忍手之下

都買咗600蚊嘢

好彩有9折咋

呢個9折，做到今個月咋