志蓮素齋 - 龍門樓

20-9-09 星期日，去咗鑽石山墳場睇骨灰位

咁我地星期二大概知道可以揀咩位

唔洗手忙腳亂喇

好快咁完成咗睇位

之後就行下"志蓮淨苑"喇

有好多魚魚游呀游
當時成身汗嘅我，真係好想跳埋落去游呀游

鬧市中嘅瀑布

龍門樓，一場黎到無理由唔食齋嘅

唔知係咪因為下午茶時段，所以茶只有大半杯呢?

食物唔算好貴，但之後發現飲品好貴
事關當我地食飽飽之後
行過小食店入去睇下
鮮榨橙汁只售10蚊
有汽果汁只售12蚊

鮮榨橙汁真係鮮榨，無加水呢~~~

雲吞陽春麵
一時唔記得咗呢度係食齋
雲吞好大粒，咬開之後"噫!!!無蝦嘅?"
諗諗下，係喎，齋鋪黎喎，攰到傻咗
麵條好滑好好食
菜又嫩綠爽口清甜
唯一係雲吞囉，唔鍾意食齋雲吞
並唔係唔好食

蘿蔔糕
無味架

豉油皇炒面
最好食係呢個
麵炒得乾身，食完碟底無乜油
芽菜肥嘟嘟好可愛，可惜無搣尾

呢到啲服務員哥哥好奇怪架
一見有外籍人士入黎坐低
佢地會避開，或者一個推一個
呢到不設加一，2個人食咗$155，算平喇。
之後，行多一陣就見到出口喇
又行下荷李活中心
行行下見攰
搵間餐廳坐低休息一陣先

呢間嘢我真係以後都唔會幫襯
明明坐係到飲嘢，佢話外賣
問個收銀姐姐問題，答非所問
我真係唔知佢有無帶個腦返工
成班服務員個個黑口黑面
果真芒果，入面個啲唔係新鮮芒果肉
係芒果乾呀，我真係吹到bear~~~~~~~~~一聲啦