小人

我唔介意你係我後面攪小動作

但我好介意你出賣我

今日同一個好耐好耐無見嘅朋友

傾咗接近兩個鐘頭電話

我兩都有說不出的無奈

但我的証人只有她

口供是否可信?

已經不值得我去考究

因為當一個你自認為係朋友

甚至係好朋友時

一次又一次咁出賣你

而我，為咗保存呢份友誼

我一次又一次啞忍，讓步

十年前沒有參加你的婚禮

我好相信你是知道發生什麼事

我沒有告訴任何一個人當初發生什麼事
那你就可以隨便對人家說我的不是
還要所有都是謊言?
荒天下之大謬

從你口中的謊話

究竟有多少人受到傷害?

我知道已經有好幾個

最不值是E朋友吧?

如果當E朋友知道你是這樣背後說她

我真不知道要她如何難堪

S朋友，收手，收口吧

新斗記

尋晚去咗新斗記食飯

去親呢間嘢食飯

就算訂咗位，都係要等的

等幾耐，真係唔知

試過等好快，又試過等好耐

尋晚訂咗8:30，再改8:45

去到剛剛好8:45

接待姐姐話好快有枱

但我同餅餅都等咗15分鐘至入到去坐

不過好彩等嘅其間

娛樂性都好豐富

研究下啲字，我都識識地睇呢啲字架

魚缸，同啲魚呀，蝦呀，龍蝦玩下咁啦

龍蝦我見到有幾隻無咗對鉗呀，點解會咁架呢呢呢?

七彩繽紛嘅燈籠，最愛粉紅色及紫色

燒乳豬
亞叔好比心機燒架，不過比我disturb咗

終於可以上去坐喇，唔知點解我地兩個人比咗張6人枱比我地

咁樣睇個價錢好似幾貴呀呵?
不過食完就知唔貴，唔係間餐廳打咗折比你
而係真係好好食，要有服務有服務，要有裝飾有裝飾

鮑參翅肚燕窩咁富貴無食到喇

呢張紙，睇到我眼都花埋

公雞碗碟杯呀，食具係好重要的

花生，好令所以好油

燒乳豬例牌係必食，黎呢到唔食乳豬，就不如唔好黎食飯，靈魂黎架

一啲都唔肥膩，又薄又脆，底層肥膏去晒，點一點甜醬食，又香又脆
肉又嫩，一啲都無嚡口，但又唔油喎
$108乖乖奉上

粟米石斑塊，成大碗滿滿嘅粟米羹，當羹飲都得
石斑塊，脆脆嘅外皮滲出蛋香，石斑塊夠晒新鮮
唔點粟米羹都好好味，點咗就更加好食

啫啫生菜煲，我等咗20分鐘至到呀，碗飯都凍晒喇
上到枱好少菜，少到唔夠食，好香，好香鹹魚味，不過好彩食落無鹹魚

因為太好食，份量又少，所以唔夠食

支裝可樂夠晒氣，正

仲有靚仔兩碗

埋單$350，貴唔貴真係見仁見智喇

我就唔覺貴，用料新鮮又好味

最緊要係食得開心，滿足

茶軒

去睇演唱會之前

梗係要醫飽個肚先啦

原本去霸王山莊食嘅4個人

E小姐，臨時唔得閒同我地食飯

但又多一個S小姐喎

但S小姐講啲嘢信一成都死

所以到最後，3個人去咗茶軒食喇

係喇...點解3個人唔可以去霸王山莊食呢???

租側邊訂枱6:30

我同餅餅到先

又口渴又肚餓，唔等佢黎就叫嘢食先啦
餅餅飲芒果綠茶，好濃芒果味，不過綠茶更加濃，唔.......我唔識欣賞

我飲荔枝玉露，好淡好淡嘅荔枝味，無慢慢滲出黎，亦無越飲越淡

租側邊終於到喇，佢帶咗呢個腳架出黎比我試下部相機呢，我無叫架，佢幾細心

小食拼盆，呢碟嘢，我地係6:32分order，一直到亞邊黎到仲玩完自拍之後仲未到
味道就幾好嘅，尤其鹵水蛋更見出息

三個都係食竹筒飯
餅餅食肥牛竹筒飯

二邊食鱆魚雞粒竹筒飯

我食照燒汁雞扒竹筒飯，黎到個飯無乜汁，個侍應另上一碟汁比我

薑蔥A菜，無乜味啦

等咗好耐又食咗好耐
亞邊杯茉香奶茶仲未到
追一追個侍應生
佢個服務態度係好好架
不過反應唔夠快之餘
仲要應對有啲問題
有咩理由凍茉香奶茶
仲要問人地凍定熱?
問一次唔夠要問多兩次?
食飽呢餐都7:30了
其實係一路食其間
外面一直落大雨
我唔鍾意我出街嘅時候落雨
過對面篤串魚蛋食先
魚蛋又唔飽肚
頭先個餐又唔係好飽

咁點解佢地唔食呢?

連餅餅咁鍾意食煎釀三寶都唔食呢?

佢頭先仲要食唔晒個竹筒飯添...

夏天美白特飲 之 檸檬薏米水

夏天美白特飲之 - 檸檬薏米水

材料 : 檸檬一個，濃縮檸檬汁，薏米(隨意)，冰糖半包

做法 :

1) 檸檬切片，不要頭尾

2) 薏米略洗

3) 一大煲水，凍水放入已切片檸檬及薏米

4) 煲3-4小時後，逐少放入濃縮檸檬汁

5) 加入半包冰糖後試味

6) 試味後，熄火，放涼後放雪櫃雪凍後，即可飲用。

薏米

濃縮檸檬汁

好飲

廖同合

去買檀香香塔，經過廖同合，無理由唔坐低食豆腐花架嘛

影唔到個名，坐低補返張先

勁滑豆腐花，冰凍；涼快；嫩滑，不過係到食要忍受一下啲臭味
隔離鋪係豬肉檔，嘩!!!臭到呢，好彩樓底高，空氣流通

一大罌黃糖，你鍾意落幾多都得

地址係到見唔見到?

標記

星期四無回娘家食飯

因為佢地屋企裝冷氣機

妹妹又勁唔開心啦(妹妹唔開心嘅原因唔關冷氣機事)

裝完冷氣機之後，媽咪就去咗瞓覺喇

咁爹地又休息緊

一早約咗佢地去九龍城食飯

好可惜，爹地太攰唔出喇

妹妹唔開心唔出喇

媽咪倒沒所謂，不過聽佢把聲都係未瞓醒

那各自各食好了

因為好想食臭豆腐
所以出咗家樂商場嗰邊
出到去，就唔想食臭豆腐了
咁不如去女人街嗰邊有咩食啦

無樣啱食，餅餅就提議去"打冷"喇

標記

大啤一支，剛剛好夠我地兩個人飲

好耐都無見過呢隻用膠桶裝茶喇，忽然之間好想去大排檔食飯

首選"妹記"啦

豉椒炒大蜆

熱辣辣香噴噴上枱，差不多隻隻都有肉，又無沙，勁正

椒鹽大鮮魷

粉槳夠薄，炸得夠脆又唔油，點喼汁一流呀
為咗佢至叫大啤咋
其實我係唔食魷魚，不過椒鹽例外

蜆仔肉炒韮菜花

我地主要目的係食菜，有啲老，不過可以接受，因為鑊氣夠，真係炒得好好食
蜆仔肉都係無沙嘅，好呀~~~

薑蔥海蝦

餅餅好鍾意食薑，挾起第一舊薑，放落口之後，辣到佢眼淚鼻水一齊流，味道剛剛好，只不過係舊薑嘅問題
蝦唔新鮮，皮薄而痴住蝦肉，但又唔係霉喎
噢!!!我詞窮，唔識形容

有靚仔

兩個人清晒，剛剛好夠飽啦

噫!!!我地好似無"打冷"喎???潮州菜呢???
噫!!!原來呢餐係食海鮮呀???
埋單連貼士$250，抵到呢...
"無錢啦，要慳啲喇"
講完呢句唔夠3分鐘
我地去咗shopping

哈哈哈哈哈哈哈