星期五晚 10-7-09
食完麻辣米線，又食完糖水之後
個心情都未算平伏得晒
因為得返我同亞爸兩個人的時候
我問亞爸 : 你身體無咩事嘛
亞爸話 : 有呀 (我個心情又跌返落谷底)
個頭又痛又暈又成日個心痛，有啲中風嘅徵兆
我唔識點回應佢，我只有默不作聲
個刻我好想喊
雖然亞爸只係我前同事，而家嘅朋友
但個種感覺係一個識咗好耐好耐嘅人
突然之間，有病又唔可以去睇醫生
(因為加咗保，所以要過咗過度期先)
我唔想我身邊的親朋戚友離開我
我知道人係唔可以避開生離死別
但...我可以做咩呢?
返到屋企見到餅餅
個心安樂咗啲，定咗啲
係呀，有一個伴侶係身邊陪伴自己嘛餅餅仲好細心幫我錄影電視節目
一直睇錄影帶，暫時拋開一切唔開心
到十二點幾，我就上床瞓覺
但餅餅仍然睇佢嘅電視
一掀開張被，就見到以下物品
個袋我恨咗好耐
曾經一時有錢都買唔到呀
即刻幫佢影相啦
不過餅餅話我知
呢個係日本版
日本版係綠色字架
不過算啦，我又無咩特別要求要香港版
香港版$120，而家炒到過千
日本版$72，而家炒到$400
那一晚，我真的好開心
帶著大大的微笑睡覺
沒有留言:
張貼留言