漫生活

我呢，係呢樹買精品

支持佢嘅原因之一

我鍾意佢...

個態度

哈哈哈

花花碗

其中一隻拆開時爛咗

字典

我要本咁厚嘅字典仲咩呢

嘩!!!哈哈哈

夾萬呀

我即時送上一本給餅餅

呢個唔洗睇啦，我滿分喇

晤...有待改善

空郵stickers

呢個迷你洗手盆

餅餅一見到就銖鍾意

既然你咁鍾意

就送比你啦

以下幾樣，係上年9月份買架

幾靚...

更靚

兔年買隻兔仔咁囉

木顏色筆

上年有一排，我成日係屋企畫畫

見到有顏色筆，我都會買

咁啱係個陣時比我見到呢個

所以我買

多謝小貝令我重新諗一諗自己嘅生活態度

麻布茶房

20-2-11 星期日

11:30去睇戲 - 潛行深淵

之後就陪餅餅去沙田攞回鄉咭

再去一田血拼

拼到4點幾

終於有少少肚餓

哈哈，血拼嘅時候係唔會覺得肚餓架

求其搵間坐低食嘢

見麻布茶房有位

就入去食啦~~~

蕃茄牛柳蛋包飯

當切開蛋包飯時

很失望

因為根本唔係蛋包飯

只不過蛋塊鋪係飯面

不過啲蕃茄汁幾好味嘅

炸豬扒定食

塊炸豬扒上到枱唔係金黃色

燶咗=.=

幾驚佢肝硬化

好彩肉質還算OK的

不得不提呢個牛油什菇飯

好香，好棉，好好味

陶瓷班第十三堂 泥條 - 蘋果型盤

19-2-11 星期六

呢個就係我溝出黎嘅顏色

原來搽厚啲

隻色就出啲

呢個係綠色加啡色再加黑色

上堂臨急抱佛腳，整個花盆底

即整即燒，今堂上埋色

今次用高溫油上色

唔洗加透明油

快靚正

成塊浸落去之後一秒攞上黎

不過之前攪呢桶油攪得好辛苦

因為呢種油有好多沉澱物

你要不停攪，攪到佢有一定嘅杰度

你就可以浸喇

我揀咗最難攪嘅matt black brown

哼!!!難我唔到嘅~~~

done!!!同我攞出去 - 燒~~~

好喇，學新嘢喇

老師問咗我好多問題

我地上次用咗搓泥條法

搓一條條泥條之後砌個盆出黎

砌完出黎之後，入面要用手指甲刮平佢

即係，入面係見唔到一條條紋

而出面係要見到一條條紋

今次呢，每一條泥條不能太幼

要粗一點，之後，繞圓圈

繞到三，四層之後，用手指甲刮平佢

出面入面都要刮

刮完之後，用木拍，拍出你想要嘅形狀

拍完之後再繞，重覆以上步驟

直至你想要的高度

• 另類藝術,
• 藝術設計

煌府

19-2-11 星期六

通常星期六我要去學陶瓷

餅餅一定會盡可能抽空陪我食個lunch

當餅餅每次問我想食咩時

我都唔答佢

等佢自己諗同我去邊到食

今次，我地去煌府

其實幾個星期前黎過

不過餅餅今日忽然之間想食鳳爪

所以再黎一次

其實附近仲有好多酒樓架餅餅)))

見到燒腩仔係張點心紙出現

我口水直流~~~

豉油皇煎蝦

殼都可以食埋

大哥叉燒腸

唔依無損失

一籠兩粒蝦餃

至啱兩個人飲茶點

餅餅至愛

雞扎

我一定會叫，因為我好鍾意食個舊"棉花"

牛肉球一定要多喼汁

仲有個鳳爪排骨飯架

埋單$220

攬住個肚走

元宵佳節

17-2-11 星期四

元宵佳節，無返娘家食飯

又趕唔切自己包湯圓

冰箱長期住咗兩包租客

(話時話，我家冰箱小小的

為何會住到咁多租客呢?)

囍宴湯圓

好味到爆炸~~~

潮樓

13-2-11 星期日

餅餅個妹就快返黎

而今次返黎會帶多個人

佢地間屋唔夠被

所以，我同餅餅專登抬張被返去

抬完被之後

我地就去青衣城飲茶

兩個人，等位好快

噫!!!點解無食物相嘅?

係呀，比我delete晒

我唔係唔小心

而係專登

以後，我都唔會再入呢間酒樓食嘢

食物係一般，唔食無損失個隻

咁點解我會咁決絕呢?

態度唔好?

唔係，一般啦，新年流流唔通喊咩

事緣，我同餅餅食完呢餐準備埋單時

個侍應同我地講 :

出去比錢

我地兩個即刻醒目 : 哦!!!免收加一

餅餅行我前面

行到轉灣位

餅餅成個人冼低咗

我行佢後面

見到個老公就快冼低

行佢後面個老婆(即係我啦)即刻伸手扶住佢

唔好等佢撻低先

Sorry!我只係行多一步

已經掂到餅餅

不過連我都撻低埋

我仲要成個頭撼落牆到

個下，無咩知覺

只係好暈好暈

我以為自己就係咁走喇

忽然之間好多人扶住我

拉我起身坐係到

啊!!!終於有返知覺喇

後腦好痛，大肶好痛

我只係聽到個經理講 :

對唔住呀，頭先倒潟咗油

又同啲同事講 : 快啲棟個牌出黎啦

我心諗 : 而家至棟牌???

又同我講 : 洗唔洗叫白車呀?

我又心諗 : 新年流流叫咩白車呀?

一係去盡啲叫黑車啦

耳邊傳來嘈雜聲

其實已經無咁痛喇

強忍著痛

好大聲同個經理講咗一句 :

好彩你今日係冼到我地兩個後生咋

你冼到老人家小朋友點算呀?

吖!!!暈到唔記得咗餅餅

好彩佢都無事

我都聽到佢係我耳邊講嘢

之後仲聽到餅餅講 :

我會保留追究權利

我就行咗去比錢

沿路都好似有人扶住我架

比完錢，出到門口

鬆下筋骨，無咁痛

求其行個圈

返屋企洗衫喇

啲油漬令我好討厭呀。

陶瓷班第十二堂 泥條 - 蘋果型盤上油

12-2-11 星期六

呢個就係我個製成品喇

呢個係花盆

係喇，唔記得做個底盤

嗱嗱聲搓泥整一個

啲油名實在太難記

由呢個post開始

每次用過啲咩油，我都會記錄

呢隻好似水彩的

並不是水彩

係underclay，上完underclay之後

就可以上透明油

透明油唔記得影相=.=

今次要油呢個

嘩!!!大制作咯

油完出黎效果我好滿意

但唔知燒完出黎嘅效果我滿唔滿意

風月堂

12-2-11 星期六

又到星期六

又係上陶瓷班的日子

又係上陶瓷班前餅餅陪我食飯的日子

風月堂

熱檸薑茶

稍嫌唔夠薑味

大蝦天使麵

仲有一個日式肥牛稻庭烏冬

但我掛住同餅餅傾計

唔記得影相

我而家係到諗黎諗去

都唔記得同餅餅講咩

我只係記得

我地有大笑，好開心的...

情人節晚餐

14-2-2011 星期一

呢兩日巡blog，篇篇都係情人節

其實，我都有啲悶

又其實，我地又唔係好注重呢個節日

但又要應下節

所以，好快手地煮咗餐西餐

特別要多謝餅餅

所有熱食佢一手包辦

我只係從旁指點及協助

哈哈哈，一個唔識煮嘢嘅人

比我點點點之後

會係點呢?

栗米湯

我倆要返工

唔好諗住我地會刨粟米粒加cream加麵粉煲個西湯

用咗兩罐金寶

一罐粟米磨菇

一罐粟米火腿

溝埋一齊，好飲

呢個沙律無特別，但唔知點解可以用咗我半個鍾頭去整

羅馬生菜，蕃茄仔，士多啤梨，合桃，雞蛋，沙律醋撈勻

呢碟係餅餅的

星期日行Taste，發現有一對心型和牛扒

睇下個價錢

$40 ??? 平成咁，即買啦

呢塊係心型和牛黎架，煎成咁....

好彩，餅餅煎第二塊時

保留到個心型

扒後仲有餅餅買返黎個心型蛋糕仔