諗咗好耐好耐，出唔出呢篇blog好呢?
火，仲未熄；氣，還未下，諗咗4日，出啦
6-8-09發生件令我唔太開心的事
到8月8日，我主動打電話給"她"
我唔想係呢件事上面，和"她"有什麼誤會
相方都解釋一輪之後，大家還有說有笑
我以為件事已經解決咗，原來係 - 未
一直都以為相安無事嘅我
係17-8-09夜晚打電話給"她"，"她"沒有接聽
到第二天再打電話給"她"，我是打去"她"的公司
"她'接聽了電話，但當聽到我把聲時，明顯地愕然
(一個月前，已經約定18-8-09食亞爸餐生日飯，亦決定咗去食"川燒")
我：我尋晚打電話比你呀。
她：我知呀。
我：你無聽電話嘅？你瞓咗呀？
她：係呀。
我：今晚你地嗰邊有幾多人呀？
她：我唔知喎，我都唔去。
我：吓？你唔去呀？你唔想食呀？
她：係呀。
我：咁好啦，拜拜。
她：拜拜。
除咗用小氣黎形容”她”之外，我仲可以用咩形容字形容”她”呢？
所以我係facebook發表咗呢一句：你真係咁小氣嘅，我都無辦法，當我睇清楚你呢種人
”她”當然無回應我
”她”也在facebook發表咗一句：DLS
數分鐘，又發表了：惡人先告狀....DLSSSSSSSSSSSSSS
數個鐘後又發表了：點解D人成日自以為是.自己麻煩, 就將D責任推比人... DLS...
大家知唔知DLS點解呀？
其實，當我發表完我嗰句之後，我再無開過facebook
一直至到同亞爸食飯時，佢地提起咗facebbok罵戰
返到屋企開facebook黎睇，我至知道比人鬧梗啦
我又係facebook發表了一句：唔好似住自己細就要成日叫人遷就你啦，自私精
發表完之後，其實我個心好傷，嗰一刻，我係需要朋友去支持我
我通知好友幫我做一件事
好友覆返黎：我唔知你講緊咩唔可以盲目幫你架喎
唔知好友知唔知道，佢呢句說話係在我傷口灑鹽
我有事，腦海第一個想起的是好友，第二個才想起我老公
我絕對無諗過好友會咁覆我
或者，我當時不太理智
又或者，當時好友太過理智
我地通過SMS
好友繼續係呢件事嘅周邊發問
好友唔問重心，我亦唔想同佢講
當時心諗，佢都唔撐我，仲講咁多仲咩呢？
或者好友又覺得，都唔識對方，咁撐我都無用架啦
但可能佢唔知我想要啲乜
我想要嘅係支持，我唔知有幾難為佢？
我對朋友唔係咁架，有咩事需要到我，而我能力可以做到，我一定做咗先
我會記住，以後有乜需要都不要找這好友
我不想再給人家拒絕
拒絕令人很難受
以為會得到，其實．．．
罵戰亦已結束，結束嘅原因係咩？我唔知道
我只知道，亞爸係有份幫手的
第二天，係facebook發表咗一句給”她”：與其等時間沖淡，倒不如同佢講清楚成件事嘅始末，我唔介意主動打電話比佢，但佢要聽我電話至得架...
NO REPLY
