詠藜園

星期日 9-8-09 觀音誕

一年有三個觀音誕

上次去咗油麻地觀音廟

今次就去紅磡觀音廟

紅磡觀音廟出名人多

但我點都要去

唔知點解，係好想好想

好似有啲嘢吸引你過去咁囉

雖然，我同餅餅係廟入面逗留咗十五分鐘

但我嘅流汗量足足多過我踩一個鐘頭"動感單車"

出到門口，有啲婆婆伯伯追住你買財神六合彩

餅餅亦都買咗一張

之後行蔡瀾美食坊時

見到有一間投注站
門外聚集咗十幾人等開門
我都未試過企係投注站等開門喇
等咗3分鐘，就可以入去買六合彩喇
我好少好少買六合彩
基本上，身邊嗰個人唔叫我買
我係唔會主動去買
但我今次係自動自覺

真係幾奇怪......

黃埔美食坊，入面有幾間餐廳

有一間餐廳叫"鍾記車仔麵"

以前開係尖沙咀update mall

而家連個商場都無咗喇

車仔麵啲餸有啲好特別架

下次再去食時影啲相返黎先

我地去咗詠藜園
登記姐姐問我地搭枱好唔好喎
梗係唔好啦，等位要等幾耐吖
好快嘅啫，不過搭枱都好闊落，一啲都唔迫架
咁我地等位吖
比咗張紙仔比我地之後
唔知點解佢忽然之間可以變張二人枱出黎比我地

餐牌都好茶餐廳feel

前菜小食迫你要嘅
後 : 酸椰菜
前 : 花生
兩個都好好食，尢其個酸椰菜，正!!!

實在太口渴，叫嘢飲先
不過無特式飲品，算啦，起風癩，飲忌廉啦
餅餅飲凍豆漿，好有豆味又唔太甜 good~~~

拌海蜇，好爽，好粗，醬料夠味，呢個好呀

炸饅頭，外面脆卜卜，入面軟綿綿，不過店子孤寒啲，勁少練奶

擔擔麵，無以前大磡村咁好食
以前仲係大磡村時，爹地媽咪成日都帶我去食架
麵夠彈牙，亦唔會打結，麵條係得嘅
不過個湯底真係唔知想點
花生味唔濃唔香，只係咬到有花生時，感覺到有花生
唔夠辣，唔關我食得辣事，係一啲辣味都無

清炒蒜蓉白菜仔，呢個好好食，又唔油

賽螃蟹，一上到枱，我望住碟嘢
心想 : 無嘢呀，呢個係賽螃蟹 ? 蛋黃呢 ?
無蛋黃都唔梗要喇，仲要油到爆
我唔識點形容，總之成件事好差
感覺差，味覺梗差
賣相 ? 有咩 ? 白雪雪一碟嘢，一啲色彩都無，睇見都把火呀

韭黃肉絲炒擔擔麵
餅餅食呢個麵好好食架
配料足，味夠，不過油咗少少但都可以接受

咕嚕肉，賣相好靚
上枱時熱辣辣，又香
但當夾起一舊圓形嘅肉，放入口咬一口時
咬極都咬唔開，咬開了...
唔好食呀，食到我噴火

總結就係，黎"詠藜園"，只可以食小食，包點，麵食

其他的，諗都唔好諗呀

埋單$318