霸王山莊之Winnie bday's

星期一 10-8-09 係 Winnie 生日

預早兩個星期通知好友們

今晚食飯

日期，時間，地點，地方都係我負責

霸王山莊，我又黎喇喇喇喇喇喇

可惜我對小籠包無興趣呢...

我同餅餅早到咗
7:15 已經去到，一直等佢地黎喇
等到差不多8:00喇
陸陸續續到齊喇
係等其間，太肚餓喇
同餅餅係咁食豆豆，好好食呢~~~
因為豆豆只係食入面啲豆
出面綠色係食唔到架
我地食到咁上下
就有侍應哥哥幫我地換碟
其實呢到啲侍應哥哥姐姐好細心架
成日都行埋黎睇下你有乜需要咁
我地只係坐係到睇電視，影相
叫嘢飲時，我又多多問題喎
佢地都無唔耐煩喇

餅餅飲品 : 芒果汁，淡咗少少，不過飲得出係鮮搾嘅

飄雪戀人，其實係荔枝汁
仲有一粒雪到硬晒嘅荔枝，慢慢等舊冰溶開就可以食喇

雪花海蜇皮，芝麻嘅香夾住粗粗嘅爽爽嘅海蜇，一流呀

賽螃蟹，呢個有蛋黃另上架，詠藜園，學下人啦
呢個絕對唔油，賣相又靚
食都食得開胃啲啦

黃金蝦，唔食走寶，食咗實肥死

唔知用咗幾多個咸蛋黃同埋牛油炒呢?
香濃嘅蛋黃，包住大大隻蝦
一口一隻肯定唔得
起碼要分三次至食得晒一隻蝦

你話幾大隻呢

我食咗3隻呀...

乾煸四季豆，必食

炸饅頭，餅餅呢排好鍾意食炸饅頭
我無食到唔知好唔好食
不過呢間店子絕不小家
大大碟練奶比你慢慢點

可鍋杭式三杯雞
熱辣辣吱吱喳喳上枱
我想炒下啲蔥
一起身攞起個湯匙，兜亂佢
亞黃經理見到我兜梗個餸
行埋黎好細心講 : 我幫你吖，好熱架
嘩!!!我即刻比佢啦，個湯匙
上至經理，下至侍應都咁細心
係值得一讚嘅
呢個餸有個唔好處就係太熱太熱
會好容易辣燶啲雞喇
係就係好入味
不過有啲熟得滯，un咗啲啦

靚仔一碗

唔夠食，再叫多個鮮肉水餃，個湯正，個餃只係得肉，無咁豐富囉

東海堂嘅芒果流心蛋糕，多謝"租側邊"

五個人食咗$554，平到吖

我有V.I.P.咭，有九折呢~~~