川燒 ＠ 亞爸生日餐

18-8-09 星期二

預祝亞爸生日，所以揀咗呢間食串燒
我個人比較多元化，唔會食黎食去都係個樣嘢囉
約咗7:00，佢地都未到
個人太燥，點咗支大啤飲住先
侍應生哥哥好好人，提點我不如點啲嘢食先啦

點下點下，都點咗好多嘢食

食物未到，影下相先

亞力同亞爸都到了，食物都未到

再等到亞哥都到了，食物都係未到

等呀等，又傾下計

燒自家制手打海鮮棒
蝦膠打得非常之好，好彈牙，加上有八爪魚粒，有啲咬口，好香，一定要再黎多串啦

香草 & 辣辣粉

燒7吋大海蝦
燒得夠乾身，多膏

焗芝士牛油帆立貝
個芝士真係比十個讚佢啦，我為芝士瘋狂

燒雞中翼
個皮燒得夠香脆，不過唔太入味，啲肉無味囉

燒肥牛
一啲都唔un嘅肥牛，再叫多兩串都唔夠呀

燒南瓜
細細粒，好甜南瓜

燒豆角 & 燒白豆角
無分別，都係咁好食

燒菜心
嫩個部份好食，菜都唔好食嘅話都好大鑊

涼拌皮蛋
溏心皮蛋無難度啦，老闆仲送多一碟比我地添呀

燒銀杏

唔苦嘅，我鍾意食苦嘅銀杏

燒金菇牛肉卷
我唔記得有無食過～～～

燒牛仔骨

腍，軟，好有牛味囉，好好味囉

上面係 : 檸汁燒雞翼
個雞翼皮燒得好脆，好香檸檬味，酸酸地幾好食，可惜唔入味
下面係 : 燒司華力腸
個皮燒得燶燶的夠香口

燒雞皮
燒到一滴油都無，脆卜卜

燒香腸
如果燒香腸都唔好食嘅話，咁即係閣下唔鍾意食香腸囉

燒京蔥
我無食～～～

焗蠔
我對蠔敏感，所以都係無食

燒娃娃菜
菜葉燒到乾晒唔好食

燒韮菜
唔乾，好食

涼拌青瓜
酸酸辣辣好惹味

燒粟米
呢個可以再燒耐少少就好喇

上面係 : 自家制手打海鮮棒
我太鍾意食蝦膠，再黎多串吖，唔該
下面係白鱔
我真係唔食魚，唔好問我所有關於魚嘅問題

燒烏頭
好大條呀，三位猛男清晒，勁

燒茄子
好咸，唔知係咪我問題，因為其餘三位唔覺咸

燒土豆
即係燒薯片，又係好咸，都係我問題

４個人食咗＄８２０蚊

當然係我地三個請亞爸啦

侍應細心有禮，勤換碟，值得一讚

食得開心係最重要

所以一啲都唔貴