魯班廟

星期日最主要嘅目的係去魯班廟

昨天農曆六月十三日是魯班誕

星期一餅餅唔會得閒啦

所以提早一日，去魯班廟拜一拜先

經過上兩年的辛勞經驗

我地今次醒喇

我地係薄扶林道落車，一條路直落樓梯

唔洗由卑路乍街行長命斜同埋行幾百級樓梯上去

沿途唔算風景如畫
但空氣好清新，遠望可以望到個海
我地比啲樹，圍住個感覺好正
因為今日三十三度呀
熱到我都無心機再影相喇
其實落完直直樓梯之後
對腳真係軟晒

好快到咗魯班廟
餅餅就去拜拜
我就係廟外抖抖
有人佈置梗
有人賣財神
有人煲梗煙
有人抖梗涼
有人品梗神
....................
逗留十多廿分鐘之後
餅餅都拜完
繼續行長命斜兼又直嘅樓梯落去
腳都軟晒，要慢慢行返平路至可以平衡返個人
勁驚中暑，即刻走入一間買泰國嘢嘅超級市場涼冷氣
兼買支寶礦力
一行出對面馬路
就見到去大丸嘅紅色小巴
即刻衝上小巴降溫先啦
坐係小巴到，聽住收音機
黃大仙，跑馬地今日居然有三十七度
嘩!!!我係咪身處香港呀?
落車時，我同餅餅都已經降溫了
亦飲晒成支寶礦力了
身體舒服好多了
我地去銅鑼灣嘅目的係要去訂蛋糕
因為妹妹8月7日生日呢
訂邊間蛋糕咁巴閉要我地專登去銅鑼灣呢?
唔開估得住架，妹妹睇到就無驚喜喇
之後我地勁有文化氣息
走咗入中央圖書館行行

嘩!!!大到吖

不過行咗一陣就走喇

之後再去皇室堡買禮物比妹妹

好順手咁買多一件物品給8月10日的朋友

行下又買下，就去醫肚喇。