星期六晚,餅餅六點放工之後直接去青衣
比咗我部舊電話比佢亞媽
我不斷安慰自己
算啦,都係罷係到唔用
咁比人囉......
其實個心一直0翕住o翕住唔開心啦
餅餅知道我唔開心啦
佢就話買返部T707比我
但係T機,唔係W機囉係呀,我對電話要求好高架
又要聽歌,又要影相,又要3G...
可能知我極唔高興
所以餅餅都無陪佢亞媽食飯
比咗部電話佢之後就返黎同我食飯喇
甘味,開咗咁耐都未食過
上Open Rice睇過食評講得好好又有我最鍾意嘅蕃茄湯底
一於就去試下啦
爽滑涼粉冰,我只係識講"黎多杯吖"
溫室白桃荔枝梳打,白桃味好香又唔會搶過荔枝味,正呀
薄切肥牛蕃茄湯烏冬,我以後都唔會食呢個喇
湯底係無問題,超濃郁蕃茄湯,飲晒成碗都得
讚岐烏冬都無問題,烏冬仲好好食,又彈牙
敗筆係肥牛,勁肥呀,肥到無肉食,你地睇下啲湯油到嚇死人
下次下次唔叫肥牛,叫牛柳粒
炒雜菜,其實係木魚同埋椰菜喇
餅餅食加大烏冬,可以任揀餸,每款餸都不同價錢
天婦羅七味魷魚鬚 &天婦羅茄子
一放入口,噢!!!好熱,再咬,噢!!!返炸,即刻無晒興趣
加大烏冬真係好大碗,湯底係面豉湯,好清架
天婦羅蕃薯,噢!又係返炸
粟米,好食呀,罐頭之嘛,我食得多啦,咩牌子我都知呀
茶碗蒸蛋,雖然同餐牌有好大出入,不過料係足架,只不過將啲料放咗係下面,所以見唔到啫
呢餐OK吖,埋單唔記得幾錢,唔會過二百喇
不得不提佢地嘅服務態度好好
門口大眼姐姐勁好笑容
見到佢都開心啲
安排得非常好,有問有答
好過上面別府十問九不知啦
沒有留言:
張貼留言