喜記

15-5-10 星期六

今日係我同餅餅結婚三週年

我諗咗幾間比佢揀

最後，佢揀咗呢間

小食 : 雞翼尖，好酸，我咁食得酸都覺好酸 $10

椒鹽珍寶瀨尿蝦 一隻$130

有真係好大隻架喎
肉質彈牙又鮮甜

白灼韮菜花 $42
有啲老嘅無切走，成口渣

豉椒炒蜆 $58
無沙，辣辣地幾好食

豆豉鯪魚炒A菜 $55
沒舍特別

埋單$500
之後去買蛋糕食
係買梗嘅時候，有個同門師兄弟打電話比餅餅
叫佢出去飲嘢，餅餅話轉頭覆佢
收線之後，餅餅問 : 佢約我出去飲嘢，你有咩意見呀?
我對住個售餅姐姐，我梗係客客氣氣啦
我就話 : 去囉
之後餅餅仲話 : 不如約佢去睇波啦
攞咗蛋糕之後，上埋扶手電梯
我就同餅餅講 : 佢知唔知今日係你結婚週年呀?
餅餅話 : 知，你post上facebook，佢地個個都知喇
我 : 知仲叫你出去?你仲問我有咩意見?
餅餅 : 我即刻推咗佢，我推咗佢好唔好呀?
我 : 你唔洗推，你鍾意咪去囉，反正你呢排個心都飛咗去師兄弟到喇
當然，我塊面已經黑過包公，任餅餅點道歉點講嘢，成晚我已經無理過佢
嗰一刻係到諗，你都唔尊重我，我亦都唔需要同你客氣喇

嗰一刻，我好想同佢離婚，我唔想再見到佢，好憎佢呀

我相信，繼續有咁嘅心態，我離婚機會率都好高

積少成多，都唔係單單一兩件事

另我覺得呢個男人可能已經唔適合我嘅...