台北之旅第四天@午餐

25-4-10 星期日

由陽明山搭巴士落返黎，去食個lunch先

呢餐真係好難食，所以，我都唔想介紹喇
之後兩老去街市行街，我地4個去食甜品
紅豆豆腐花，及豆腐花及QQ唔知咩
豆腐花上面係一層冰，豆腐花又唔香又唔滑
食落條脷嚡口，反而QQ唔知咩幾好食喎

打完一場波，成身汗，梗係返酒店沖個涼先啦
之後就出發去西門丁喇(爸爸媽媽話要瞓晏覺唔去喇)
呢轉行程就緊湊啦，因為最後衝刺
有咩未買嘅，今次要買喇

搭地鐵出發，因為實在時間緊迫，搭的士肯定塞車

呢架搭一個站嘅駁車，真係慢到無朋友

車箱有5卡，每一卡有佢特別之處

紅色車箱有兩部大電視

啡色車箱(木區)有個桶，桶上面有個螢幕

唔怪得知架車開得咁慢啦，唔行慢啲點睇得晒呀

去到西門丁，衝入sogo買呀買

再行去阿默買蛋糕

再去black and choclate買雪糕&朱古力熱飲

呢到有4格，其實得兩款口味
朱古力碎碎同車厘子

雪糕又香又重朱古力味，又滑，仲會加幾粒新鮮車厘子比你

再去breeze七樓嘅書店，一本書都買唔到
反而落到三樓，去wacol買胸圍，十款有五款無我Size，頂!!!

約咗爹地媽咪8:00係酒店附近嘅地鐵站"北投"
我地怕搭的士會遲到，所以都係搭地鐵係最快嘅交通

好鍾意呢個，好體貼呢

好彩，唔洗兩老等我地，我地仲夠時間去厠所添

向淡水出發喇