坪洲

16-5-10 星期日

11點幾比餅餅嘈醒

氣仲未下的我，唔睬佢

又拉又拖又求，都係唔睬佢

但個心又好想去砰洲喎

所以都同佢出去

一直都無同佢講過一句說話

不論佢講乜，我都唔理佢

直到落船之後，我至同佢講第一句說話

佢問 : 可唔可以應下我呀? (其實呢句問咗廿次有多)

我答 : 唔可以

餅餅 : 你終於肯應我喇

心諗 : 都出得黎喇，輕輕鬆鬆吧，苦瓜乾的臉口，攪到自己都唔開心有咩謂呢???

坪洲，一個好細好細嘅島，如果唔行山的話，一個鐘可以行晒喇

好肚餓好肚餓，求其搵一間茶餐廳食嘢先

食飽有氣有力喇，先去天后廟拜一拜先
再周圍行下

呢到有條斜路，行到上去，原來係一條村
我地又行返落去喇

有青BB嘅大蕉

呢一顆樹，我一見到，幻想力出晒黎
好似一隻鈴羊呀

行到落平地，向著第二個方向行，行上手指山
見到條長樓梯就上，不過好輕易啫
上到山，見到呢啲好香好香嘅唔知乜
有行山人士話係豆蒄喎

沿斜上山，見到好多大大的墳墓
行行下，有三條分叉路口
一條係落返去，一條係直上手指山
另一條唔知係咩，當唔知係咩時
我就好想行，行呀行，沿路又有好多大大的墳墓
行到有一條小路，餅餅忽然叫停我
叫我檸轉身行返轉頭

嗰刻真係嚇死我呀，我又唔知咩事

(係咪見到污槽嘢呢?日光日白，太陽咁猛，唔會呱???)
行到出返條大路之後
餅餅同我講 : 你頭先前面有成群狗望住你呀，仲跳跳紮行過去
又黎返分叉路，企定定休息一下
始終，都係要行長命樓梯
原本嚇到三魂唔見七魄的我，忽然聽到有個細路仔大嗌 : 到喇
就係比呢個死嚫仔呃咗
行到一半樓梯，要抖一抖(其實一半都無)

係完全無行山裝備之下，其實係相當吃力，揀直係搵條命黎玩
行山首要嘅係一支水，無錯，我係連水都無一支係身

三十度高溫行山，如果中暑一定係抵死

衫褲鞋襪全部錯晒，不過好彩唔係牛仔褲
行呢啲山，最好有支行山拐杖
唔好講笑，真係好有用架，起碼可以幫你捨力

又行咗一半樓梯，又要抖一抖

天色不算太好，不見隱約都見到對岸的南丫島
如果唔係有呢三支嘢，一定認唔到係南丫島囉

到頂喇，我呀，差啲係爬上去呀
但無理由咁樣衰架嘛
我話晒以前都成日行山吖
點可以比呢啲咁濕碎嘅山難到我?
我呀~~~話晒都行過香港咁多個高山吖
呢啲???哼~~~

但係點解個體能差咗咁多呢?

手指山唔見手指嘅?

落山喇，落山係完全行斜路
其實真係好吃力，我望住長長嘅斜路

落到平面，有一幫人等梗落山的一幫人

佢地唔知要去邊，行一條唔係路嘅路去觀光亭

有一個指示牌寫住TO DIE，哈哈，黑色幽默吧
繼續行斜路落去，無端端聽到海浪聲
我同餅餅你眼望我眼...
再行落去...海灘???

又休息一陣，其實，休息係企係到5分鐘叫休息
我地要行去碼頭方向

行咗大半個鐘，終於行返出坪洲喇
仲未行完，沿路有好多村屋
我地只係想買支飲品啫，都咁難嘅
再行多15分鐘，行返近碼頭嗰邊
見到士多，即刻攞罐寶礦力飲
之後，就行去祺森冰室
好彩一入去就有位

恨咗想食好耐嘅蝦多士，脹卜卜架

炸雞翼，皮脆肉嫩

食飽再行下，搭5:00船出返香港喇

今日去坪洲嘅洗費都唔過$100

點解???都無嘢買嘅...