台北之旅第五天＠離開台北喇

26-4-10 星期一

真係玩得死我地

我地攞住咁多行李，係無車嘅情況之下

由1號機場行去2嘅機場

中間係會乘搭無人駕駛列車，又要搭電梯咁囉

有幾多行李呀，下圖咁多囉

哦!!!仲有一架車影唔到，一人一架嘛

唔好謂笑，紫色個喼係我嘅

新買架，用一次就花晒喇

剩係紙箱，六大箱

當我post呢張相係facebook時，有個朋友問我 :

你去台灣玩定做苦工呀
個刻，我覺得佢形容得好貼切
我真係好似做梗咕喱coolie

呢個咪無人駕駛列車囉，大大隻字寫住禁止手推車進入

有免費水飲，不過我好攰喇，水都唔想飲
之後仲要托行李，再行去搭電梯

媽咪話 : 飛機啲嘢你一定唔鍾意食架喇，係到食啲先啦

我只係想食鹵蛋

餅餅一個人食晒一籠叉燒包，自私到爆

以後唔搭中華航空

比餐好啲我食得唔得呀，咁樣點放入口啫
魚排飯，我都唔食魚，賣相又唔靚，條菜又唔翠綠
空姐話 : 我們只有一款
成盤收走啦
好彩媽咪知我性格咋

如果唔係我餓住個肚返香港呀

仲有後記呀，等我呀...