i thai

２０－１２－０９　星期日

一間餐廳，啲嘢幾好食都好

如果連基本嘅服務都無嘅話

我諗，我會black list呢間食店

因為你地有收我１０％服務費

係我後面，一男一女打情罵悄

係當我聾，還是當客人瞎了眼？

係我枱側，不斷穿梭，不斷來回
過咗去又無嘢做過返黎，你地班侍應咁樣
好容易另我覺得你地係到玩梗架喎
仲有，食物都比你地啲衫褲圍裙整污穢晒啦，仲點食呢？
叫埋單，叫一次唔夠？聽唔到叫埋單，但係識行埋黎執清我枱面啲嘢？
一句道歉嘅說話都無？

咸檸水，無味的

珍多冰，一般啦

冬蔭功湯，呢個好飲，亦好有水準

大蝦，腳同鬚修剪整齊，蝦肉新鮮，夠彈牙

馬拉盞炒通菜，碟底好多水，味道剛好，唔會好鹹

蒜蓉包，係呢間蒜蓉包好食，還是熱辣辣蒜蓉包好食呢？

燒牛柳配糯米飯
牛柳好食，唔會太生又唔會太熟，７成左右吧
見唔見到啲菜係邊緣呀，你地估下，如果有個人行過會唔會掂到呢？

臘腸雞粒煲仔飯，好食呀，有少少飯焦，唔硬的，好好

埋單＄３８０

或者晚飯時服務會好點吧

又或者平日嘅晚飯會再好一點吧