4-12-09 星期五
係入火車站之前，要過X光機
即係要你隨身物品放係X光機內檢查
我地所有証件，大量金錢，全部由媽咪保管
係，呢個係好危險嘅做法
但有人堅持，我地做細嘅唔好出咁多聲
媽咪將自己嘅手袋，放咗去X光機之後就輪到我放
媽咪就又拉又推我過另一面
叫我睇實佢個袋
當媽咪個袋一出黎，我見到之前
有人好快手咁攞咗媽咪個袋
我見到之後，前後都無0.001秒
即刻從嗰個人手上搶返個袋返黎
同時間，好大聲講出 : 我的
當然我心入面好驚又好疑惑
(點解咁多袋唔攞，係要攞呢個袋
究竟呢個人跟咗我地幾耐?)看在我懷中的手袋，是否媽咪的手袋
係1秒嘅決定，係，係我媽咪嘅手袋
忽然間，有一個人開聲 : 咩事呀...家姐
呆咗幾秒，哈哈哈，原來係我個妹呀
佢比我嚇親，我又比佢嚇親
之後大家一齊係個火車站大笑
笑到震晒
咁我個袋呢?好彩餅餅一早已經攞咗
(瘀事又多一盅)
上到火車，有人見我地係企位
好好心咁話比我地聽去餐卡到坐啦
我地去到餐卡都無晒位喇
惟有企係餐卡後面嘅連接位啦
係火車上面玩到癲晒，不斷咁跳高玩連環快拍
話咁快就到蘇州喇
沒有留言:
張貼留言