上海第二天@燕云樓

3-12-09 星期四

飛的過去步行街，都已經7:30

要食飯喇，遲多半個鐘食我就開始頭暈架喇

妹妹唔知仲咩係咪暈車浪還是頭先高處望下所以暈

總之就暈，媽咪陪佢去KFC買汽水飲

賴仔就去問路

揀咗燕云樓

因為尋晚係"聚福園"食飯嘅時候
爹地講咗一句 : 想食片皮鴨
無錯，爹地自從老了之後，成日係唔適當嘅時候做唔適當嘅事
又成日孤立自己，其實我唔知佢諗梗咩，不過佢係我爹地
佢話要食片皮鴨，點都要搵到比佢
所以係旅遊書搵到燕云樓
一出升降機，就見到有專人削鴨
但好可惜，佢唔明咩叫片皮鴨
連埋肉一齊片，算吧啦，有得食就算喇

噢!!!呢碟叫片皮鴨?
不過好彩佢算好味，有肉汁，OK啦

塊皮厚過我塊面皮

呢碟係銀絲卷，為咗呢碟銀絲卷，我成個癲婆咁，係咁鬧人
事緣係 : 賴仔一出升降機之後，見到有枱食客食梗銀絲卷
賴仔要食梗係叫啦，點知女服務生話銀絲卷買完喇，沒有喇
我地都無辦法啦，自家係到講，可能最後一碟啦
菜都上齊喇，連賴仔最後點嘅酸辣麵都到咗喇
就係呢個時候，比賴仔見到有另一個服務生，攞住一碟銀絲卷喎
咁我地一齊問，服務我地呢圍枱嘅女服務生啦，呢個係好自然嘅事
佢唔係答我地入去廚房了解下，或者問我地要唔要
而係佢答我地 : 煩死人
呢句說話，我第一個聽到
我係一個一撻即著嘅人
即刻拍枱鬧人啦
之後即刻叫經理出黎
經理了解完成件事之後，就話 : 她一定不想幹
好呀，呢句說話擺到明佢唔啱
件事就咁算?未...
之後佢唔見咗人
有無人夠膽行埋黎
哈哈，我覺得我好似一個惡霸
終於，經理比咗碟銀絲卷我地

隔咗10幾分鐘之後，佢出現返，繼續招呼我地
仲要黑口黑面，粒聲唔出
食飽埋單四百二十幾
擺低$500走人
妹妹要去厠所，睇唔到精彩一刻
收銀處就係厠所隔離
當佢見到我地，要找返錢比我地時
我地一齊話 : 不用找喇
佢呆咗一陣，望住媽咪同佢講 : 唔好意思
之後好快地將啲錢放係自己個衫袋到
我心諗 : 一百幾十，我跌都跌咗啦
比你啦乞兒
之後去行街街，媽咪見到黃色一舊舊嘅嘢，就話好好食架
食咗一口，吐都吐唔切
媽咪仲話係香港食過好好食架
佢個皮，係硬架
即係原本係軟嘅，比風長時間吹住變硬呢

去南貨鋪行個圈，見到有個豬面
哈哈，好似我咁肥呀

永安百貨，點可以唔入去呢

又飛的返酒店，之後爹地沖完涼瞓覺
我地五個人沖完涼就去酒店對面按摩
按咗90分鐘，成個人鬆晒
不過背脊好痛
之後去食串燒，串燒係馬路邊
四圍都係地盤
而家諗返起，我地好勇
因為我地食塵呀
當時仲要得4度，好凍好凍
食飽都零晨12:30喇
要返酒店瞓喇

明天要一大早起身，準備去蘇州