BUBBA GUMP SHRIMP

15-11-09 星期日

係等梗Peak Tram 時，已經見到呢間餐廳張poster

對於一個蝦痴黎講

就一定要去食

個桶有廚紙，蕃茄醬，辣椒醬，濕紙巾

呢個乒乓球拍，其實係一本small menu
乒乓球拍令我聯想起，我家的鄰居自己製造了乒乓球拍
之後在家中每日對住牆打乒乓球

呢到啲人好奇怪架
搵人落單，佢要再搵另一個講英文嘅人落單
好喇，到你適應咗講英文喇
你同上菜嗰個人講英文
佢呆咗幾秒至用不太流暢嘅英文回應你
到埋單時，我都唔知應該講乜嘢語言

Mango Sparkler
有橙味，檸檬味，芒果味嘅汽水
都幾好飲架，酸酸地甜甜地

Garlic Bread
呢個蒜蓉包好好食架
有少少鹹香芝士味嘅蒜蓉
正，真係好正

Caesar Salad
係跟餐嘅，沒啥特別

Crab Stuffed Shrimp

焗芝士蟹肉釀大蝦配蒜蓉包

我倆都係鍾意食蝦蟹嘅人
呢個係好食，仲有7件咁多
不過好可惜，食到一半已經飽飽滯滯喇
芝士實在太多，檸檬都打救唔到我地

Sweet Home BBQ Burger
配菜有 : 炸薯條，炸洋蔥圈，什菜沙律
塊漢堡扒真係好正，差不多有2cm厚，勁多肉汁
餅餅食咗一半話飽咗
梗係啦，食咁多蒜蓉包

我好鍾意呢張報紙嘅吸油紙，唔知可以係邊到買到呢?

食到要搬埋隔離張枱比我地

正想開口講 : Could we have the bill 時
聽到佢同人講廣東話
咁我咪同佢講 : 埋單吖

之後佢比咗張咭仔我地
佢話攞埋張單過隔離就有份小禮物比我地
咁我地過到去
佢一見我手上張咭仔
就攞盒糖出黎 :
one more two more three more four more ....
當我攞咗一粒時，已經無興趣再攞喇
佢不斷仲係到講 :
pick some more pick some more
enough , tks

其實我暗自覺得好彩係佢開口先

我個腦至可以轉到台

god!!!