富記

5-11-09 星期四

下個星期四係本小姐生日

但咁啱媽咪係下個星期四唔得閒

所以早咗一個星期食生日飯

我想去"囍宴"架

不過......

最後決定去富記飯店

賴仔介紹基本上有啲擔心

希望唔好破壞我心情啦

2-6位只可以揀一款$10優惠小食
我地剛剛好6位，想揀多款都唔得

呢個係餐前小食
青瓜條

$10優惠小食
酸薑皮蛋
皮蛋唔係流心，唔梗要啦
酸薑幾辣，好明顯唔係子薑

大象啤
靚靚啤酒妹妹好nice
食餐飯斷斷續續過黎同我傾計
連唔見咗手提電話幾個鐘之後都搵得返都同我吹一大輪
媽咪話 : 你個朋友呀?
唔係呀媽咪，吹下水咋
基本上，我乜人都可以吹
如果我無黑面嘅話

香脆百花油條
幾好食，油炸鬼中間釀咗啲墨魚膠
不過個汁太鹹

金沙焗蝦
即係咸蛋黃炒啦
蝦太細隻，又有殼
佢地唔太鍾意
我一個人掃咗半碟

炸鏝頭
我無食

干煸四季豆
ok架，如果可以再乾身啲

冰鎮芥蘭
菜新鮮，好食

大蝦什果沙律
我地未點餸之前
已經叫咗呢個沙律
吹咗5次以上
餸都黎咗一半喇
呢個沙律至黎到
咁點啫，又唔可以取消
好彩有個冰鎮芥蘭隔一隔咋

椒鹽鮮魷
呢個好食呀，送啤酒一流呀

西檸芝麻雞
芝麻味好香，好似食梗芝麻餅咁
雞係用雞扒，急凍嗰隻
西檸汁無味

方魚肉碎泡飯
有肉碎嘅，我唔食

煎藕餅
幾好，不過肉多過藕
亦都好油好油好多油

椒鹽茄子
把鬼吖，包啲麵粉醬攞去炸
椒鹽另上
好唔好食真係見仁見智喇
我地6個人，每人夾咗一條咬咗一啖之後
無人再掂過條茄子喇

送嘅紫米露
可以放低

東海堂新出嘅"栗子芒果流心蛋糕"
芒果酸到爆炸

妹妹唔食芒果
唔知邊個咁大整估買呢個蛋糕
比咗一件比亞sa，即係靚靚啤酒妹妹啦

6個人食咗$882
的確好平
我問埋單嗰個人 : 比張單比我
佢話 : 無得比你架喎
咁你比呢張我咪得囉
佢話 : 呢張唔可以比你架喎

咁你PRINT過另一張比我吖

佢話 : 無得再PRINT架喎

得，乜都唔得
我咪係你面前影低佢囉

之後一家人去買生日禮物比我喇