囍宴東‧丰

今日係我嘅農曆生日呀

祝自己 : 心想事成

14-11-09 星期六

餅餅因為星期五去咗照胃鏡嘅關係

所以今日都攞埋假休息

無所謂啦，佢咁多假(妒忌中)

去太古城中心係有目的

因為餅餅想去timberland

我想去H & M

又想去囍宴東‧丰

仲有我想去買LE CREUSET粉紅色心型煲

我等咗好耐好耐

一直忍住手唔買LE CREUSET心型煲

都係等佢出粉紅色咋

我承諾，我買咗心型粉紅色煲之後

我會煮更多好好味嘅食物架呢

所以要去APITA

點知原來SOGO先有得買

咁唯有得閒先去SOGO買啦

係未買到之前，我決定唔煮飯

MENU其實間間都一樣
不過好耐無影過，就影下啦

呢幅畫影得唔係咁清楚
不過好靚好靚，比到我一種遺失嘅感覺

呢個擺設我好鍾意
如果我屋企夠大的話
我又要擺下(明抄)

買一送一嘅有 :
香茅茶 / 雪梨紅棗茶

胡麻日本溫室蕃茄

細 九製陳皮骨
陣陣九製陳皮味，酸酸甜甜好開胃
細細粒，一口一粒，唔覺唔覺食咗好多

人氣榜排第三位，得呢間東‧丰有分人氣榜同埋細價錢

鮮露香蔥炸雞翼
好香蔥油味，即係食緊白切雞點個啲蔥油呢
好香，不過唔好食咁多，會好熱氣

好彩有細味價咋

皮蛋雪菜涼伴凍豆腐
豆腐好滑，配以雪菜及皮蛋，一絕
不過鋪排亂咗啲

梅子汁拌炸魚
梅子汁代替沙律醬更好味

食到中途，我地無蔬菜食
加餸叫咗個醬瓜炒仙菇
我唔知醬瓜係乜嘢
我只知有什菇，我地都會鍾意食
鹹咗啲，淡少少會好啲

兩個人由點九食到三點

埋單都係$239

呢間東‧丰食午飯有85折架

以後黎多啲

如果滋‧選都有85折就好喇

隔日落樓食飯