興樂菜館

28-2-10 星期日

氣仲未消得晒，係IFC行過去馬頭時

見到曾俊華，我地仲好nice都佢打招呼

佢亦都好nice同我地講 : hello

即係呢，如果佢嗰份財政報告做得唔好的話，例如 : 加咗煙稅咁啦

我相信，唔會個個見佢都笑晒口

應該見到佢係喊住打囉

之後，佢行咗我前面，仲好有禮貌同我開門

我...我...真係榮幸呀

去到馬頭咁啱上船喇

搭咗40分鐘船，話咁快落船喇

一落船轉左手邊方向，一直行呀行
去搵興樂菜館，點解要搵呢間餐廳呢?
因為睇到呢篇blog
blog友係識食之人，所以，我buy佢

今日瀨尿蝦同蟹都無貨返，勁想立袋就走
不過我知餅餅好肚餓喇，又忍
咁叫住4個餸先啦，食唔飽去食小食囉
椒鹽鮮魷一定要食，粉漿夠薄，鮮魷真係堅鮮，唔會過鹹

送啤酒一流架，不過日光日白唔飲酒喇

白灼蝦，又係堅鮮，好甜，肉質好彈牙，不過細隻咗少少
細隻過啲無影到喇

豉椒炒蜆，無花甲為有食蜆啦，無沙就呃你嘅，總有一兩粒有沙啦
成碟都係殼???

即係搵件肉比你睇，其實，都有好多肉架，不過啲肉甩晒出黎係底咋

清炒白菜仔，唔記得叫佢走蒜蓉，菜呢家嘢，無難度啦

埋單$200有找，你仲有乜嘢要彈?

要彈嘅係個露天廉蓬囉

其實可以選擇坐室內，有冷氣，又唔怕雀仔飛黎飛去