自家煮

18-3-10 星期四

每一個星期四，我都會返娘家食飯

但，今日無返

咁，又唔想出去食

煮飯啦，我真係的起心肝

盡量唔出街食飯喇

係屋企食飯，一定要有一碗湯

點都要煲湯，唔煲湯都要滾湯，就算罐頭湯都可以

總之一定要有湯

反正時間充裕，煲個青紅蘿蔔湯潤下先啦

尋日睇完亞蘇，見整薑蔥蝦煲，我又要整

我放工已經無乜蝦喇，不過好彩仲有慢走蝦，好嘢~~~

一定要有菜，咁多菜之中，最易洗係唐生菜呢

檸檬炆雞翼，已經成日都會係我屋企出現
因為太易煮喇

買開青紅蘿蔔，見有白蘿蔔就買埋啦
見對面凍肉店有已經發好嘅豬皮
好快，已經諗到要煮咩喇
再加啲生根入面，咁就有餅餅鍾意食豬皮，我鍾意食嘅生根
合奏成豬皮蘿蔔生根
睇落好九唔搭八，但又真係夾到喎

最後，都未嫌自己辛苦，繼續攞苦黎辛

炒多個飯，最重要係勁多蔥

呢餐煮咗兩個鍾，手忙腳亂又開飯喇