10-4-11 星期日
圓通山有咩玩架。我問
有動物睇架。有人答
咁我去海洋公園咪得囉。我答
有櫻花睇喎。有人答
真係有?我答
係(肯定語氣),成條街兩邊又紅又白櫻花,好靚架。有人答
長臂猿
個B食梗奶,個媽食梗蕉
行行下見到隻松鼠游走
洗唔洗走得咁快呀?
獅子
影呢張杷時
我真係有少少驚
佢個眼神獰厲到呢......
狼
未影第二張相
佢已經擘大口想食咗你咁嘅款喇
我唔知呢個叫咩
佢係下面個層
總無理由跳落去嘛
櫻花呢?我問
行前少少就見到架喇。有人說
哎呀,天氣開始熱,櫻花無晒喇。有人說
我狂啤有人超過一分鐘。
我只見到樹枝同樹葉囉
有人唔知係咪好覺得對我唔住
狂搵一粒粒櫻花比我
之後仲好開心咁嗌我
呢到成棵都係呀
我蓋不住我的憤怒
大喝一聲 : 夠喇媽咪
其餘四個人知我發脾氣
加入戰團一齊搵櫻花
無喇,真係無晒櫻花喇~~~
之後玩機動遊戲碰碰車
有木瓜子呀。有人說
(係呀,又係同一個有人呀)
仲咩咁開心呀?我問
呢個清熱呀,天氣咁熱最啱飲喇。有人說
木瓜子係一碗好似啫喱加黑糖水的飲品
甜到爆炸
我地狂加半碗冰水
甜度至剛剛好
一碗6個人輪住飲
但三位壯男飲咗一啖之後就唔肯飲喇
我地三母女飲
之後返酒店換衫沖涼
又準備出去食飯
沒有留言:
張貼留言