大家姐

16-6-10 星期三 端午節

起身之後，我就開始執屋洗被

餅餅去師傅到幫手寫符

因為妹妹，賴仔今晚開始入侵我間屋喇

瑞梅阿姨18號黎香港要住爹地媽咪屋企呀

等到餅餅點幾返黎之後

我地就飛的出荃灣食炸魚蛋

真係特登去食架

呢到啲炸物，大大件又抵食，魚肉真係好彈

豉油皇雞翼，醃得夠晒味又唔會鹹過頭

生菜魚肉湯，好好味呢...

之後再行一陣，諗住配眼鏡，但無人得閒招呼我
配唔到，下次先囉
諗住去吉之島
經過豆腐主義又入去飲咗豆漿，食豆腐花，椒鹽豆腐角
食飽行行下，見到街市諗起想食蝦
入到街市，人山人海，有無咁誇張呀?
個街市呢，好有系統架
地下賣海鮮，一樓賣牛肉/豬肉/雞肉，二樓賣蔬果/乾貨
(如果我屋企附近有一個咁嘅街市就好喇)
買埋餸，散晒，吉之島無去喇...

搭的士返屋企啦