有血有汗

14-6-10 星期一

真係唔知原來我係咁堅強

尋日買咗套陶瓷刀，堅峰利

今日用黎切粉葛，就切親手指喇

傷口都算深，血流過不停

食指指甲瘀咗，中指勁流血

當我止極都上唔血時，我開始忟憎

唔理佢，繼續切我嘅粉葛

之後，所有洗，切，醃，煮都係單手喇

因為到煮完成餐飯，至止到血呀

鹵水雞肶係買的，$14兩隻

亂棍打死牛魔王

上個星期食剩少少肥牛，今日買咗五條豆角，炒埋一碟

係街市見到草菇脹卜卜好可愛，貫多兩條辣椒炒埋一碟

就係為咗煲啖靚湯比餅餅飲....

我第一次切親手，感覺係，初時唔痛，之後痛到卜街

我又唔會打爛碗碟，咁大個人，係5,6歲嗰年打爛過一次杯

下次，我會再小心小心啲喇