御膳飯莊

11-6-10 星期五

是日病咗

不過媽咪一個電話發晒脾氣，話搵唔到一份好重要嘅文件嘅時候

痛極都要躝返娘家，飛的返去啦

都唔知係我腳頭好，還是我精明

好快就搵返嗰份好重要的文件喇

1:00係食飯時間，我無理由落街同人迫架嘛

咁呢一個鐘做咩好呢?

繼續執屋囉，無啦啦仲咩執屋呢...?

因為有朋自遠方來

2:00去到，等都唔洗等位

隔離五十嵐唔知咩事咁多人

對面大新銀行，排隊排到出門口轉灣，有夠誇張

唔好諗住有蝦餃燒賣食呀，呢到午餐都係食上海小點的

京式炸醬拌麵
上次晚餐時食過，都幾好食
今次午餐食，乾咗少少，麵亦不算彈牙，醬汁無上次香濃

三鮮窩貼
呢個幾好食，唔會食到成口油

蔥油拌海蜇
海蜇彈下彈下，入口爽爽的，好味
不過隔離嗰碟芥辣好難食

蝦子鮮腐皮
啲腐皮呢...真係好食到無朋友
成碟我一個人食晒，爹地媽咪都無得食
可能你會覺得同打邊爐嗰啲鮮腐竹無分別
你試下咪知囉

四喜烤麩
甜甜的烤麩好吸引，烤麩軟綿綿，好好食架

上海春卷
原來上海春卷無肉架喎

不過都好好食，熱辣辣，夠晒脆

小籠包
入面勁多湯汁，一口一個剛剛好

豆沙包
自從係台北鼎泰豐食過好好食嘅迷你豆沙包之後
我每次見豆沙包我都會叫黎食
但始終食唔返嗰種味道
香港鼎泰豐都差少少

呢個豆沙包算好喇，起碼多豆沙蓉
有啲豆沙包，好少餡架咋...

因為漏落單，所以補返張單，張單寫住"快啲"
但其實一啲都唔快，我等咗好耐，最後要叫相熟經理出手
之後真係好快出現係我面前

櫻花韮菜盒子
即係韮菜餅啦，中間漲卜卜的至有韮菜，覺得少咗啲

經理仲送糖水我食

有得揀架，桂花杞子糕，高力豆沙，腰果露...
最後我地都揀咗腰果露
上次飲過好好飲，今次淡咗少少
佢溝咗水呀

再訂埋酒席，見到有一個套餐係無魚翅嘅
就落$200訂啦，18號再食過

今次試下佢地啲套餐，同散叫分別大唔大

呢餐埋單$250，都ok啦

起碼好過同一集團嗰間唔好食嘅天福軒啦