樂華餐廳

19-1-10 星期二

樂華餐廳，唔係樂華村呀

係大角咀

食完好好味嘅臭豆腐之後

一直行，都要食晚餐架

餅餅見到門口有煲仔飯

所以入去食啦

其實，平時返工已經茶餐廳

入到去真係唔知食乜
好奇怪，入邊間茶餐廳都好

我都會突然之間飽咗

但出返黎之後，又肚餓喎

有水餃上海麵，就試下啦
放心，佢係成碗滿嘅
不過我地食咗一半至記得影相啫
湯底好濃味精
麵已經浸到淋晒
餃子皮，唔係手搓都唔梗要
皮薄肉多，夠大隻
但可惜，啲肉攪到梅晒

等咗廿分鐘嘅煲仔飯上枱喇
有人，絕對唔鍾意食飯焦
如果，只係鍾意食排骨臘腸煲的話

大可以叫個煲仔菜，唔洗咁浪費吖

一黎到掀起個蓋，落豉油，再蓋蓋等5分鐘

之後可以開動喇

我無記錯好似埋單六十幾蚊