城景酒店@餅餅生日

12-1-10 星期二，餅餅生日

餅餅唔知係邊到睇到呢間有龍蝦自助餐食

又適逢餅餅生日

所以去食餐勁嘅

城景酒店入面嘅城景咖啡室

先黎一輪頭盤，凍蝦都食咗十幾隻

三文魚厚切，仲要一次過比8件

餅餅一個人食都飽咗三分之一喇

龍蝦沙律，係有龍蝦架，可能太幼細關係，所以影唔到
我又唔記得較微距影喎，係我唔啱，唔係佢太幼之過
隔離橙色條蛇係煙三文魚
我想試下好唔好食，好彩囉一塊咋
如果唔係浪費食物喇

花?酒浸雞，我食唔出有酒味，雞無雞味

薑醋蛋，都唔好食

每人半隻芝士焗龍蝦，無芝士味，白汁勁多
龍蝦肉尚可

串燒沙爹，啲醬唔得

熟食我麵唔想講
一盆菜都無架
得嗰一盆羅漢齋入面有墊底菜

比目魚，餅餅話好滑喎
不過我覺得好腥

龍蝦湯，我一生人飲咁多龍蝦湯
最難飲係今次

反而中湯ok好味，加咗味精嘛

呢三個甜品食咗一口，就唔敢再食喇

呢六個甜品...算吧啦

芒果黑糯米，呢個得呀，不過芒果酸咗少少

埋單 $ 550 ，有十幾蚊係貼士啦
服務幾好，一舉手就有人黎
不過我要成日舉手
因為無人幫我地收碟
茶啡果汁係自助嘅
其實，以咁嘅價錢，咁嘅質素係啱嘅，係值嘅
不過，我唔會再黎囉，我唔係要呢啲呀
我要好食呀，我要食得開心
而唔係食一口之後呆一呆

吐出黎又或者夾硬吞又或者搵水送服呀