與頸咕為伴三日

話說，係星期三，即係10-2-10

我條頸唔知仲咩拗柴

係呀，拗柴，並唔係瞓厲頸

點解?因為起身個時唔痛

之後刷牙，洗面都唔痛

係換衫個下，唔知chock到邊條根

開始痛到成個人扒咗係張床到

休息咗一陣，又無咁痛喎

所以，我就去咗返工喇

一返到公司，又開始痛過

痛到係到大叫

老闆都比我攪到煩晒

即刻叫我去北角睇醫生

又晝地圖比我，又教我點去

最後，打電話去預約

點知個醫師已經放咗假，月尾先返

咁...老闆又話，去睇附近嗰個啦
附近邊個呀?
蘇施黃嗰個呀
係喎，去搵佢睇下先
你睇完快啲返屋企休息呀
我好乖咁睇跌打醫師啦
醫師幫我又推又摔又按摩又敷藥又比包中藥比我返屋企煲
醫師話我發炎，但點解會發炎呢?

點解無端端咁痛呢?

我今朝真係痛到以為條頸斷呀...

敷完藥之後，我就去咗九龍灣搵個客比利是佢

因為之前應承咗人
見自己敷咗藥條頸都郁到
所以，我至去咋
去到九龍灣，咁啱見到colour
但我嗰刻痛到講多句嘢都唔想
反正下個星期都會見到佢
快快地講byebye就走喇
(痛，唔係頸痛，係大肶痛，又唔知點解無端端大肶痛)
去完個客到，吹咗幾分鐘水
即刻返屋企放低包藥

之後去尖沙咀買胸圍

之後就去食hyatt 自助餐
食到八點幾九點
好喇，敷咗成日藥
返屋企叫餅餅幫我除咗膏藥
(要沖涼嘛)
沖完涼之後，條頸緊咗唔識郁喎
即刻咩都唔做，只係睇電視
到第二日
我去買咗個頸咕
就係咁，咕實條頸
我條頸好似完全無咗承托力咁
個頭不斷向前中
咁我條頸就好痛喇
帶咗個頸咕，舒服好多喇...
結果，係大年初一

我條頸無事喇喇喇