餅餅預早同我慶生
友人同我講呢間好正
一定要試......
講咗幾個月，今日決定試一回
一打開menu，唔係化咁少嘢食???
貴精不貴多嘛!!!
店內環境，坐位不超過二十個位
唔好睇到咁光猛呀，其實好暗架~~~
張梳化好舒服呀)))
餅餅飲 - 荔枝酒
飲完之後餅餅覺得好好飲
但佢又無即時話我知喎
到咗第二日，同餅餅去行city super時
佢至同我講佢好想飲荔枝酒
好，我會記住
一見到我會買支返去送比餅餅
我飲 - 白桃梳打
好飲...
醉溏芯
即係溏芯蛋
程流芯狀的蛋黃
滑到直流喉嚨
點點花雕酒香撲鼻
又不會搶去鴨蛋的香味
妙絕妙絕~~~
柚子酒煮花甲
個個都讚好食
一碗總共有6隻花甲
我食三隻有兩隻係有沙的
味道的確好，柚子味好出
湯亦清甜
獨子蒜露筍牛肉粒
鐵板上枱，吱吱喳喳咗一分鐘
一分鐘過後影相，都可清楚自看到
煙在空氣中飄舞
露筍粗粗的不帶一點苦澀
爽脆鮮嫩
牛柳粒肉汁在你口中流竄每一條牙縫
好香~~~
燒豬頸肉
薄切豬頸肉肥瘦均勻
唔會好似食梗柴
蘸點她們的秘制醬汁
立即昇華到另一層次
清湯蘿蔔牛腩
牛坑腩肉味濃郁，十分之有咬口
反而蘿蔔清甜無渣
湯亦十分好飲，不帶一點油
唔好睇佢細細煲，份量多到食唔晒!!!
當我點這個飯時，店主給了我一個溫馨提示 :
你試唔試下我地個鵝肝蛋珍珠飯呀?
我 : 我唔食鵝肝
店主 : 哦!!!唔好意思，我見你叫咗咁多牛，所以...
我 : 唔緊要...
(呢點真係夠窩心呀
)牛仔肉蛋珍珠飯
牛仔肉香嫩多汁
差不多有5成熟
將蛋與飯混和之後
飯立即沾上肉汁與蛋汁的香
本身已十分喜愛珍珠米
飯粒黏性高，又夠香軟
埋單 $ 600 有找
我會再黎的，老闆!!!加油呀
沒有留言:
張貼留言