打邊爐之靈異事件

話說8號個日自家打邊爐

我去街市買材料時

見到啲海中蝦咁靚

咁我就買咗一斤 $ 40

沿路行返屋企

蝦都無跳架，好乘架

返到屋企，第一時間放入冰格雪死佢

等陣會客易剝殼

雪咗大半個鐘

就開始逐隻逐隻洗蝦

我洗蝦係每一隻捽下佢啦

好喇，洗乾淨，排靚靚之後

就攞出飯廳影相喇

影完相，我諗諗下不如搣咗個頭去腸啦

就係我攞入廚房個一剎那

有幾隻蝦同時跳起

當然，我都嚇到一齊跳起兼尖叫啦

好彩，有一個勇猛嘅男士

慢條斯理走過黎問我咩事?

(仲問咩事，哼!!!)

之後我同佢講想剝蝦頭

佢好快手咁掉晒入

鋅盆入面

係我鼓起勇氣

攞起一隻蝦搣蝦頭時

我手中的蝦居然掙扎

再一次尖叫

即刻劈低隻蝦啦

又有幾隻跳黎跳去

勇猛人士就話 : 不如唔好搣蝦頭

就咁烚啦...

飛快地掃返入隻碟到

再飛快放入打邊爐的鍋中

(第一次感覺到，屋企廚房與飯廳係咁遠...)

點解明明雪到變冰的蝦會返生架呢?