川龍村端記茶樓

4-4-10 星期日

由屋企樓下飛的去荃灣川龍村

原來都係$100蚊咋

心入面好想行山

但唔知點解，提唔起勁

可能一朝早比人激親啦

我地去呢間飲茶，因為餅餅以前成日都係呢間飲茶

搵位又唔係好難，搵唔到位，自己開張枱都得
人多到呢~~~點心一出，即刻比人搶晒
我好辛苦至迫到幾碟點心返黎架

西洋菜已經無晒，退而求其次要通菜啦

埋單都係$100蚊
之後行出幾步，見有一檔小販
佢有好多嘢賣架
不過，我只係要咗蕃茄仔
試食咗一粒，超甜，勁有茄味
廿蚊一大袋，抵呀
之後，又多口問阿姐一句 : 有無西洋菜呀?
阿姐 : 無呀，叫阿叔落去摘比你吖
阿叔 : 跟我落去摘菜啦
好呀，跟呀，我未落過田呀

一邊行落田，一邊影霧

到田喇，阿叔又唔比人落田喎
我只可以企定定係到
睇阿叔摘菜

阿叔好努力摘呀摘
因為已經係季尾，唔靚，太幼嘅唔摘
好有heart呀

呢條係臭坑渠，我怕影彩色大家都會反胃

好難至搵到花花，有啲色彩

搭巴士落去荃灣shopping喇

心情唔靚，要買下嘢平衡返自己

買完之後，心情即刻靚晒

仲去咗食豆腐花呢