無休館

28-3-10 星期日

影完花花，成個人散晒

因為同餅餅玩得太癲

去附近食下嘢先

紅豆冰

如果紅豆再腍啲就好喇，椰味好重，好好飲
奶茶無飲過

喇沙米粉
一聞好大朕椰味，一食都好大朕椰味
不過我都接受到，係無乜辣味囉
材料又好豐富呀
有蝦，魚片，豆腐卜，雞肉

魚蛋河
魚蛋，魚片無碎骨又滑又彈，好好食呢~~~

叫咗個牛肉，係咪一口牛呢?忘記咗個名添

下面墊底係茄子，索晒啲油
問你敢唔敢食

焗西米布丁
味道唔太甜，又幾香噴噴，唔錯~~~

呢餐好似一百蚊左右

唔算太貴，食物又好食

最重要係員工夠細心

見到我地兩個人，拖住疲累嘅軀殼

即刻帶我地去最入嘅卡位

免得嚇親人，哈哈哈