係，呢餐係慶賀不眠王子生日飯
但，王子生日已經係8月頭的事
而且，我都已經同王子慶咗一次
隔咗咁耐，再慶多次係因為圍內人未慶
開開心心海鮮站
澳洲水晶蟹
唔係成日有得食
鮮甜，肉嫩，多膏，海水味濃郁
海水味流竄口腔，久久揮之不去
食蟹時，係成晚最靜的時候
琵琶蝦
質地似龍蝦肉，不消一分鐘，食晒
龍蝦沙律之一 @ 龍蝦沙律
芒果火龍果打成汁，淋上各種新鮮生果及龍蝦肉上面
新鮮生果有 : 好食香蕉，好食哈密瓜，好食火龍果，好食蕃茄仔，好食青瓜...
仲有唔好食嘅蘋果 (係我唔鍾意食蘋果啫)
蒜蓉包
一晚黎咗兩ROUND
Takobaby留咗一匙羹水晶蟹膏，搽蒜蓉包食
sorry，我唔恨，因為我同bobobaby都唔食膏
哈哈哈哈哈哈哈
清酒煮藍貝
我無食，唔食得
豉汁蒸東星
初時以為係龍躉，不過睇返王子個blog至知原來當日係食東星
我唔食魚，唔識分，我只係識分海魚，養魚，鹹水魚同淡水魚咋
薯蓉焗元貝
多謝bobobaby比咗大半隻薯蓉比我
當然仲有kakababy & takobaby分薯蓉比我呀~~~
黃金蝦
雖則，蝦殼都可以食埋
但我唔鍾意食蝦殼
入口，香濃無比的鹹蛋黃充斥成個口腔
再黎蝦肉嘅爆甜
你可以想像到此食物的美味嗎?
龍蝦兩食之二 @ 龍蝦焗飯
芝士爆碟而出
不消一刻，清晒...
可想而之美味程度
老闆贈送兩大支提子汁
Queeniebaby 好有心
每人發放一小包桑葉茶
可以治痛風，高血壓，降膽固醇，降血脂....等等等等的功效
細問之下，唯獨是血壓低人士不適宜飲用
我...唯有比爹地啦
係我好想好想食心太軟情況之下
成班人係尖東反反覆覆思量
終於，飛的去咗.......
沒有留言:
張貼留言