喜點

25-10-09 星期日

食完一餐好難食及唔飽嘅lunch之後

我地就去行街街

今晚曼聯作客著黑色衫

餅餅就去買咗件黑色曼聯衫

今晚支持曼聯

但係我係支持利物浦

之後一直係咁行

行到去佐敦幫佢細妹攞榨汁機

餅餅一知道係榨汁機

即刻係到鬧喇

當然係對住我鬧佢亞妹啦

行到好攰

搵個地方歇腳先

喜點

其實呢間係飲茶食點心嘅地方
但我係門口只係見到甜品

芒果椰汁西米露
西米咬落去個時，好似食梗大大粒蟹子咁
卜卜脆，但咬咬下，佢又好彈牙
個感覺好得意
我唔鍾意食西米
我都食咗半碗

香芒糯米卷
芒果唔係一塊過
分開兩舊仔
所以食嘅時候要好小心
都係發記好食

芒果腸粉
又係芒果，無咩特別
值得一提係腸粉皮好爽滑

芒果汁係淋係腸粉上面

埋單$100 唔洗啦
出到門口，聞到好香
排晒長龍
原來係買雞蛋仔
北角雞蛋仔係到開分店呀?
因為食咗好多甜品
所以下次至試啦
一直行去尖沙咀
去六福搵朋友洗鑽介
又睇下啲對裝介指
無咩啱心水

有錢都留返黎買金喇

有無發現我好乖

無買過嘢呀?