長洲@海龍王

4-10-09 星期日

都仲係講梗上個星期日，有排講呀

為咗搵個間椰林芳

行到無晒心機

正決定搭船走還是留低食飯之際

無晒特快船

就係咁，留低食飯啦

好揀唔揀，揀咗檔唔好食嘅

我地唔係好肚餓
但見佢啲嘢咁平
叫咗3碟嘢食啦

日落了，見唔到咸蛋黃

花生 & 蒿頭
最鍾意食蒿頭

天色越黎越黑
一盞街燈都無，靠呢啲大紅燈籠高高掛呀

豉椒炒蜆
腥，臭，我食咗２件肉仔
我有想吐嘅感覺

椒鹽瀨尿蝦
都算新鮮，食晒都係得一兩隻係霉嘅
不過真係好鹹

食前要掃走晒啲鹽

清炒生菜
成碟都係油
唔知點解可以油成咁
本著死就死精神
我同餅餅都可以消滅佢

埋單＄２２３

我唔知佢點計出黎
反正都唔會有第二次
差個十幾蚊就算了
一邊食飯就一邊聽到有人唱歌
哦～～～表現中

一去到就有船，不過都唔係特快
唯有搭豪華位啦
豪華位除咗有小食部
仲有一部只係播放廣告嘅電視
仲有最緊要嘅係冷氣
不過天氣真的涼咗好多
有無冷氣其實唔再重要了

一落船，行上去IFC天橋
見到個月光好圓好大呀

望過對面海，尖沙咀仲係咁靚
最高個棟就係呢排好hit嘅"名鑄"喇

今日我好乖，無乜買過嘢
不過餅餅買咗支大大電筒

攞返地盤用

地盤係邊？咪就係名鑄囉

餅餅知我今日嘅行程唔太開心

一入到IFC，見到City Super就話 : 不如入去行下吖

嘩！！！瘋狂掃零食

下次可唔可以一入到去就係 LV，HERMES，GUCCI

或者六福，周大福，周生生，Ma Belle...

我都唔介意