金滿庭

星期一，28-9-09

餅餅成8:00至收工

一早已經知會我佢遲放工

叫我食飯先，唔好等佢

但我6:00返到屋企

只係想食媽咪買比我嘅乾酥餅

所以等到餅餅放工

我地至一齊出去食
其實我地想叫外賣
不過又好衰唔衰
廚房裝修
好彩唔算好大雨咋...
近近地諗住去別府啦
點知奇景出現咗係我地眼前
"金滿庭"門口無人等位呀
平時人山人海，長長嘅人龍唔見咗
既然咁難得，梗係食"金滿庭"啦
梗加難得既係，居然有卡位比我地坐
太開心喇

是日小食芝麻五香雞，初時以為係醉雞添，原來唔係，食落小小辣，幾好食
雖然佢係餐前小食，但絕無小家比啲皮呀骨呀比你，件件雞都啖啖肉架

可樂一罐
冰唔洗錢都唔洗比一杯滿比我嘛

蔥油海蜇
蘸啲芝麻五香雞汁食，仲好食呀

乾煸四季豆
唯一唔好嘅係太長，同埋唔夠乾身

鐵板京蔥爆牛肉
好食，不過啲油彈到周圍都係

清湯拉麵
現實版，蔥都無粒架
呢碗咁清嘅麵，肯定唔係我架啦

擔擔麵
足夠兩個人食，不過我一個人食晒，好好食

睇下匙更幾大隻，係湯匙黎架，即係個碗都唔細喇

炸鏝頭

餅餅至愛，一定要食，我唔鍾意食炸鏝頭呀

冰鎮芥蘭
係咪同相好大分別呢?只不是係排列問題啫

蘸呢個芥未豉油，好好食架

兩個人食咗$437

以上食物係食得晒架

食飽飽諗住行陣

所有店鋪都閂晒門

乜奧海城閂咁早架咩?