香港茶餐廳

22-8-10 星期日

某日，餅餅同我講話 :

睇某報紙有間茶餐廳，攞到個沖奶茶比賽冠軍

好想去試下

問佢邊間，佢只係記得有"香港"二字

會唔會係香港茶餐廳呀?

係尖沙咀喎...

星期日，就同餅餅去一轉喇

一入到去，噫!!!!!!!!!!!!!!!!!!!!!!

咁奇怪嘅?無客人嘅????????

心知不妙，但，都坐低會一會啦

肚餓，叫嘢食先

侍應落足咀頭2人套餐

好，就要呢個

得三碟餸，唔會係我嘅排場

加多個"高級警官咖哩牛腩"

等食物其間，周圍影下
貼牆呢張夠晒型
4條煙

最型係佢
我真係想會一會佢，可惜我無吉士

奶茶飲咗一啖
唔係化???奶茶冠軍???
我個杯已經係多奶，但茶太濃而又唔香
奶又唔滑

粟米魚肚羹

唔知有無半斤嘅白菜仔

鹽焗雞
唔錯，無雪味，雞肉唔嚡

金菇肥牛粉絲煲

總覺得夏天食此物格格不入

一路食一路好想打邊爐
幻想於冬天中，唔好比我係隔離枱見到羊腩煲

我會神經失常的

高級警官咖哩牛腩
牛腩入味的確好食

返到屋企再查資料

原來奶茶冠軍係元朗呀=.=