因為我得個幾鐘頭食飯
又因為我要去連卡佛買Marc Jacobs袋
所以揀時代廣場食飯
原本，我地諗住去"鍾菜"飲茶
好可惜，訂枱時佢話full晒
咁我問佢walk in等得唔得
佢話 : 如果walk in 入到黎攞飛
我地都係會比訂咗枱啲人入去先
咁樣可能要等到兩點半
我心諗 : 兩點半我上梗堂咯
食第二間，滬江大飯店
book位時，佢話可能要等一陣
等幾耐呀?
一陣，好快啫
點知買完袋，嗱嗱聲上去
無人等位之餘，仲要入面無乜人
我地叫套餐，送兩杯熱飲
一杯係柚子蜜
另一杯係檸檬薏米水
檸檬薏米水，唔知點解好薑
薑到有少少辣喉
肴肉拼雞絲粉皮
雙冬花膠煲
(呢個係散叫)
一見到花膠，即係兩眼發光
都唔理個套餐喇
仲要有我至愛雙冬
即係冬菇+冬筍
花膠炆得好腍入晒味又唔腥
冬筍爽口又嫩
原來兩個人食呢一個煲都夠飽架喇
咁套餐啲餸點呀???
豆腐羹
呢個幾好味，不過唔知點解
食極都係咁熱嘅?
京蔥少牛肉
強勁梳打粉
呢碟掂都無掂過，所以名都唔記得
好似係雞丁
小龍包
肉有少少腥，又有少少嚡，皮亦易穿
最後有糖水
酒釀丸子
丸子煙煙韌韌幾好
酒釀個味都好出
見到有橙色一粒粒
以為係木瓜
放入口，一咬，好想即刻，立即吐出黎
熱咗嘅橙肉接受唔到
係咁嘅環境之下
我點都要搵粒比餅餅嘆下啦
哈哈哈....
沒有留言:
張貼留言