14-5-2013 星期二
早睡早起身體好
7點自己彈起身去沖過熱水涼
尋晚食咗藥,無好啲,依然鼻水長流
但都要出去玩
今日好曬,好熱
食早餐先
晨咁早8:30食早餐,飲杯咖啡頂下先
蕃茄芝士三文治+蕃茄湯
個包好好食架,有點點芝麻,好香,不過個邊好硬
濃郁的番茄湯,夠晒醒胃
尋晚經過此店鋪時,佢用班戟張相做宣傳,所以吸引到我
當我話食呢個時,我隔離個個人又話要點呢個
咁我咪點另一個餐囉
點知兩個餐黎到佢又唔太鍾意食
先搭地鐵去梅田,出閘後行去大阪駅
都係有分 : 特急,特快,普通
黎咗大阪4日都唔見你,終於比我係京都見到你了
原來都係熱,30度揸住罐熱辣辣粟米湯
即刻放佢係背包入面
到喇,到嵯峨駅喇
一出駅口就見到
買飛先,去程第5卡已經買晒,唯有買來回啦
太熱,頂唔順,買杯雪糕先
芒果粒雪糕
雲尼拿雪糕
我要匿埋係陰天地方食
食完就入去駅內影下相
火車到喇
呢個係第3卡車箱
架火車郁緊我都可以影到,真係勁
紅葉?
架火車好多時會入山窿,一入山窿就好涼,可以講得上凍添
但個種震耳欲聾嘅火車聲,真的令我吃不消
到總站落車行去前面上第5卡
風景一樣,唔太想影相了
搭火車來回總共一個鐘,又唔覺咁耐喎~~~
之後去竹林,行10幾分鐘就到喇
我地無再行入去,因為太熱喇
同時,我地一致認為,唔去清水寺喇
去竹林時會經過女人頭
最好就去完竹林,先入去shopping
返去京都駅
拉麵小路係入面有唔同店鋪的拉麵店
我地揀咗一幸舍
我以為尋日食嘅四天王已經係最差
我錯了,最差的拉麵是他呀
奈何,我地買咗飛,無得走了
買完飛,一入去,未坐低已經聞到臭腳味
我周圍望下邊個除咗鞋
坐低之後,我又聞到另一種臭味 - 豬臭味
炸雞件,皮好脆,好好味
肉好嚡,千萬要有心理準備先好食
呢碗麵,我食咗隻蛋
一塊叉燒都無,幾口麵
我同餅餅講唔食喇
我講完呢句,我即刻逃離現場
不消1分鐘,餅餅都出埋黎
臭到想嘔呀~~~
沒有留言:
張貼留言