大阪的第六天

16-5-2013 星期四

我地今日2點機返香港

今日涼涼地，天氣好舒服

去一蘭食碗麵

(尋日收到消息，一蘭係7月11日係銅鑼灣開幕，好期待呀!)



最愛朝早的一蘭，唔洗排隊

任你座~~~

大阪心齋橋的一蘭，位與位之間的木板唔可以開的

同服務員講:chinese,佢就會比張中文表比你喇

千鈞一髮影到廚房

期待係香港會食到一樣的味道!

我地酒店向後行3,4個街口係長堀橋站，唔洗轉車就直去天下茶屋

等南海電鐵(特急)火車

等到喇

今朝去地鐵站時，買蛋三文治返香港同埋丸福的咖啡

頂~~~又後悔多次

點解我唔買一箱呀

超級好飲呀~~~

無喇，入到機場搵唔到佢喇

呢班特急只係停4個站

半個鐘已到機場

大阪機場只需早2小時去到check in就可以了

無乜人的

過咗關之後想搵間餐廳坐下

無~~~唔見有餐廳

咁唯有去買手信囉

手信大發現

大阪機場免稅店有東京香蕉蛋糕

呢個真係驚喜位

東京香蕉餅，我最愛呢個

我鍾意食呢個餅，多過食香蕉蛋糕

上2個月去東京買過呢隻期間限定，櫻花綠茶kit kat

當初後悔唔買多啲

估唔到2個月後再黎日本可以再買呢隻櫻花綠茶kit kat

不過只有大阪機場免稅店先有得賣

即刻買一大盒啦

一大盒入面有10小盒

我鍾意食黑芝麻

所以見到黑芝麻食品我會去試

即買即食，個皮軟軟的煙煙韌韌，個餡濃濃芝麻

不過稍為甜咗啲，但都好好好好味呀

即刻再買多幾盒

印度航空唔知點解咁嚴謹

臨上飛機前都要check一次行李

見到個飛機餐都唔開胃，right?!

落機一刻，我係第一個準備落機嘅乘客

first class無人坐，我坐貴個隻經濟位

所以我可以好快地行出去，去睇機艙開門

一開門，有2個人行入黎唔比落機

話要check boarding pass

我唔明佢個舉動係咩

我問佢點解要check

佢擰面唔理我

哈哈哈，係囉，咁先係香港態度呀

上機check一次，落機check一次

請問係咪會覺得係空中可以換人???

或者我諗得太simple，反正係空中你唔會唔見咗張boarding pass

放行，印度航空真係比咗我一個好好的經歷!

終於出晒大阪之旅了

下一站 : 泰國曼谷