大阪的第四天(Part2)

14-5-2013 星期二

食咗半碗都無嘅拉麵之後

就落去京都駅個商場買手信

綠茶蛋卷

我買個刻，肯定發緊燒

又或者我仲為頭先個碗麵可悲緊

我居然問完餅餅要幾多包之後

就同個售貨員姐姐講6包

一直返到大阪(因為係火車瞓咗陣)

先醒起，我啲朋友同樓下管理員呢?

我個4包只係比公司同屋企人咋><

最後衝刺

買~~~



返去酒店休息陣又出去喇

今晚得20度，我今日經歷由30度跌到20度

原本作病的我，即病~

去梅田食一風堂

揸住張menu諗咗好耐 : 究竟上次我地食咩架呢?

唔洗指意餅餅會記得

我成日都話佢有年青痴呆症

永無記得啲嘢

忽然之間，我個腦叮一聲

我地上次個碗係紅色架

咁即係第二同第四個啦

依然係赤丸，點解唔食白丸呢???

上次5隻餃子唔夠食，今次叫10隻

呢碗麵，無得輸~~~

我成日講，你如果未食過難食嘅食物，就永遠都唔會知道好食嘅食物有幾好食

呢個辣芽菜真係好好食~

去hep five坐摩天輪

可以插i phone 播歌

坐摩天輪附近一定會有機鋪同夾公仔鋪的

全靠個經理好人，佢將kiki lala放出啲，餅餅輕易夾到

唔記得買綠茶蛋卷比朋友同管理員

去阪急百貨睇下有無手信買

行經做緊宣傳的其異果

佢每人比半個你試食

嘩~~~豪到呢

香港只係比一粒仔比你咋

行下睇下，原來8點喇，佢地準備關門

當8點正時，會響鐘，佢地全部人員會好整齊地鞠躬同講多謝

我地即刻走啦，唔好阻人地收工嘛。

little twin stars大阪專門店最後一日

就收，無咩人喇

好多嘢都無晒喇

little twin stars cafe

原本想去食多次，但佢地已經last order了