軟骨組織發炎

終於頂唔順，去咗睇跌打喇

今日痛到唔識形容

等老闆出去食完LUNCH返黎

問佢公司附近邊到有好嘅跌打醫館

老闆即刻話去睇"邱健"啦

蘇絲黃都係睇佢呀...

去到樓下，原來要上樓架

醫師好好傾，係咁同我講嘢分散注意力
等佢幫我捽時無咁痛

一路係咁傾我老闆啲嘢啦

又話上個月去馬會食飯見到佢

...講咗好多嘢喇

但佢一按落去時，真係痛到成個人彈起

我一彈起，佢就話 : 唔洗驚，無事架喇

我就話 : 我唔係驚呀，我係痛呀
問醫師 : 我係咪條筋有事呀?
醫師話 : 你係軟骨組織發炎
經過一輪又捽，又按之後
開始包紮喇
嘩!!!包紮完之後，我問佢 : 誇唔誇啲呀?

佢就話 : 唔誇，邊有人睇到啫?

咁都唔誇??????????

之後收錢，我問係咪百二呀
佢就話 : 原本百五，但你有熟人介紹百二得喇。
好吖~~~多謝

再之後我問 : 洗唔洗覆診呀?

佢話 : 緊係要啦，一次會好呀?

咁我就好無奈同佢講 : 好啦，聽日見。